اقتباس:
المشاركة الأصلية كتبت بواسطة target store
ممكن يكون خط انتاج باسم تجارى مخصوص لوكيل او مستورد
|
حتى لو أفترضنا هذا الاحتمال يافندم عمر مافيه شركة محترمة بتحذف أسمها من على البندقية علشان خاطر مستورد او وكيل ليها. بيبقى اسم المصنع موجود ويتم كتابة (أصدار خاص للوكيل او المستورد....). زى بنادق الفايروخ المصنعة للرميح فى السعودية مثلا او توشيبا العربى للأجهزة المنزلية او الوطنية لسيارات المرسيدس...ألخ لكن مش معقول شركة فايروخ هتشيل أسمها وموديل البندقية علشان وكيل او مستورد أو توشيبا هتشيل اسمها علشان العربى او مرسيدس علشان الوطنية. لأنه غير منطقى ان اسم المستورد يبقى معروف وغير معلوم اسم الشركة المصنعة!!!
مصر نزل فيها انواع بنادق كثير سواء صينى او تركى لكن كان دايما الشركة المصنعة معروفة وموديلات البنادق موجوده فى مواقع الشركات وكتالوجاتها زى الشنغهاى والكرال والهاتسن. وكانت البنادق بتاعتهم معروفة فى اوروبا وامريكا قبل ما تنزل مصر. لكن هذه المرة الموضوع مختلف تماما. والغريب أكثر ان مافيش أى حد عايز يوضح مصدر هذه البنادق. حتى شركة زسيكو وشركة شنغهاى انا راسلتهم الاسبوع الماضى ولم يردوا على استفساراتى بخصوص هذه البنادق وده برضه شئ غريب لأن من العادة لو هذه الشركات على علم بهذه البنادق كانوا ردوا على استفساراتى.