رد: هو احنا حنفضل كل يوم ندخل نلاقي ناس بتشتم في بعض ؟!
كلام العقل يا باشا تعرف حضرتك انا الي شدني للمنتدي دة وخلاني اسجل فية الاحترام والادب الي كنت بلاقية واضح في ردود الزملاء هنا وكنت مبسوط جدا من طريقة الحوار بينهم وشجعني علي الدخول للمنتدي مع اني كان عندي تحفظات كتيرة علي الاشتراك في اي منتدي لكن اسلوب الزملاء هنا مختلف تماما الناس بتتكلم بادب جم واحترام لكن في فترة الاحداث الي عايشين فيها واضح ان ناس كتيرة وصلت للمنتدي دة عن طريق عمل بحث عن الاسلحة وكمان من المواضيع الي بتنزل هنا عن تحويل وقلب الاسلحة وطبعا زي ما حضراتكم عرفين ان اي موضوع بيتسجل هنا بينزل في ساعتها علي النت وسهل جدا بجوجل سيرش يدخل علي المنتدي ياريت الزملا يهتموا جدا بلغة الحوار الراقي لان دة هوا دليل التحضر تقبل مروري اخي العزيز
|