اقتباس:
المشاركة الأصلية كتبت بواسطة وليد سالم
بعد اذن الاساتذه السابق تعليقهم علي الموضوع
اولا : التاجر غير مسؤول مسؤلية تامة عن جودة خامة المنتج لانه لم يشرف علي خط التصنيع
وليس من المفترض ايضا انه يفك كل مسدس من علبتة وكيسة ويجربة ويفكة قطعة قطعة عشان يفتش فية
التاجر بيفتح العلب عشان يتطمن علي الحالة الخارجية فقط حتي لا يوجد بها كسر او شرخ في الجسم الخارجي وده بيحصل مع الكثير من التجار وانا شفت بنفسي بعض التجار بيفك كرتونة الطرد ويفتش علي كل قطعة فية ولكن من الخارج مع تجربة شد الاجزاء للاطمئنان علي الحركة الميكانيكية للمسدس
وده بينفي اي شبهة لكون التاجر يعلم بسوء حالة البضاعة ومع ذلك بيبيعها
والكثير من تجار المنتدي بيعملوا مرتجع لاي حاجة يتم الشك فيها ولكن عامل الوقت مهم في مبدأ الاستبدال
وبصراحة انا مش مقتنع اني لو اشتريت تيشيرت مثلا ولبستة 3 شهور اروح ارجعه للمحل عشان اتقطع واشكك في خامة القماش مثلا
ومن المتعارف علية ان مبدا الاستبدال او اعادة المشتريات في التوكيلات المعروفة في مصر مدتها 14 يوما ولا تتعدي شهر بالكتير ممكن 45 يوم في بعض الاماكن مش 3 شهور
ثانيا : من المتعارف علية ان جميع التجار بيجربوا المسدسات وقت البيع للعميل في المحل من شد اجزاء وتجربة الامان وخروج الفارغ وخلافة كما نعرف جميعا فلو كان في جسم المسدس اي شرخ كان اتلاحظ او حتي كان بان له اي رد فعل ملحوظ في ساعتها
ثالثا : كون ان التاجر عرض اعادة المبلغ لصاحب الشكوي فده شيئ يعبر عن مدي كرم ونبل واخلاق التاجر مع صاحب المشكلة كونة ليس ملزما بتقديم ذلك العرض بعد انقضاء مدة 90 يوم من تاريخ الشراء مع عدم معرفة ما هو سبب الكسر ( اهمال او تعرض للسقوط او عدم تنظيفة بعد الاستعمال فتعرض للاكسده في بعض الاجزاء سهلت عملية الكسر ... الله اعلم
بس انا عن نفسي يشرفني ان اتعامل مع هذا التاجر بعد ما صدر منه من كرم ونبل اخلاقة
واخيرا يا كيرو تخيل لو انك قمت واشتريت ولو حتي ( شبشب ) من محل وروحت بعد 3 شهور لصاحب المحل وعملت هلولة ادام المحل عشان ترجعه بحجة انه انقطع منك وانت ملبستوش غير 9 مرات مثلا ... تفتكر صاحب المحل والعمال اللي عنده ممكن يعملوا ايييييييييييه |
مع كامل إحترامي لوجهة نظر حضرتك إللي ليها كل تقدير و إحترام
و كمان لشخصك الكريم
لكن أنا مختلف مع حضرتك في 100% من إللي إنت قلته
لا طبعا التاجر مسؤول عن الخامة
و أيوة طبعا و مليون طبعا يفك طبنجة طبنجة لأن دي سمعته
التاجر المعني بالمناقشة محدش قال إنه غير محترم
بالعكس أغلب الموجودين أكدوا علي إحترامه و أخلاقه العالية جدا
إنما هو من وجهة نظري طبعا غلطان
أيوة للمرة الثانية يفتح قطعة قطعة و يفتش و يشوف هيبيع للناس إيه
أنا بشتري منه هو مش من المستورد
عدم وجود ضمير عند المستورد دي مشكلته مع التاجر مش معايا كمستهلك
التاجر يتأكد هو بياخد فلوس الناس و يديهم إيه
و في محلات كتير جدا منهم ناس أعرفهم شخصيا بيعملوا فحص كلي و بيفك طبنجة طبنجة
لو تحب سيادتك تتأكد ممكن أكتبلك العنوان و رقم التليفون
للمرة الثانية محدش قال علي التاجر محل النقاش إنه شخص مش كويس
بالعكس الكل شكر فيه و في موقفه إنه قبل بتبديل الطبنجة
لكن أنا مقتنع إنه لازم يقبل حفاظا علي سمعته كتاجر
لأن دي طبنجة ثمنها فوق الـ 1000 جنيه
مش شبشب و مش تي شيرت
و إللي بيدفع 1000 جنيه في طبنجة صوت مش دافعها عشان تتكسر في إيده بعد شهرين تلاتة
طالما إختار المهنة دي و فتح محل أسلحة و محدثات صوت
يبقي المهنة ليها قواعد لازم يتبعها علشان الحفاظ علي سمعته و سمعة مكانه
الحكاية عمرها ما كانت بيع و إجري
و التاجر محل النقاش إتصرف صح كتاجر بيحترم نفسه و بيخاف علي سمعته
لكنه لم يفعل شئ أكثر من المفترض حدوثه لأن دي قواعد تجارة
و للمرة الثانية أيوووووووة يفك طبنجة طبنجة و يتأكد من الخامة و من إنها مش مضروبة
علشان يبقي عارف بيبيع إيه للناس
تحياتي لحضرتك و أسف للإطالة
و شكرا لسعة صدرك
