[zezo bose]

اولا ربنا يبارك ليك واللهم بلغنا رمضان وانت راض عنا يارب وكل سنه وانتم جميعا طيبين انا عندى فكرة ابسط خالص وغير مكلفة اوى احنا على طريق مصر اسكندرية الزراعى بنعمل ايه بنبقة عاملين عصير المتاح اى نوع تمر هندى عرق سوس قمر الدين وده بيقى بالاشتراك بين شباب المنطقة وشابات المنطقة اللى بيقدر على حاجة بيعملها ومجهزين تمر ناشف ومجهزين مياه ودى كلها حاجات بنراعى انها تكون باردة يعنى ساقعة بس مش اوى لان فى الصيف الناس بتحب المشروبات والمياه اكتر من الاكل وبنوقف عربياتنا على الطريق فى مسافات متفاوتة واى حد بنقابلة لازم نوقفة ونديلة التشكيلة دى هو واللى معاه عصير ومياه وتمر ناشف واحيانا بنبقى جايبين علب بكسويت عادى جدا وبيبقى باكج على بعضه والتكلفه علينا لما بنحسبها بنلاقيها بسيطة جدا ورخيصة و بالعبوات كمان بس كفاية السعادة اللى بنشوفها على وشوش الناس من حاجة بسيطة وبتاخد ثواب افطار صائم كل يوم والحمد لله على كل حال والخير فى مصر موجود ان شاء الله على طول وكل عام وانتم بخير