اقتباس:
المشاركة الأصلية كتبت بواسطة ابو مروان
خبراء المنتدى الافاضل بعد التحية....لما باكسر ماسورة البندقية عشان اعمر بتبقى عادى جدا ما فيش مشكلة المشكلة لما باجى ارجعها تانى الاول كانت بترجع بسهولة وخفيفة دلوقتى تقيلة شوية عايزة مجهود فى قفلها ...ما اعرفش من ايه الماسورة متزيتة والسوستة سليمة ومتشحمة ...موش عارف المشكلة دى من ايه؟
|
الاخ العزيز ابو مروان بعد التحية.
حل دبشك البندقية وعمر البندقية ورجع الماسورة مكانها وشوف لو التقل خف ولا زى ماهوه.
لو التقل زى ماهوه شوف نصيحة الحاج محمد محمود فى حكاية المسمار اللى ماسك الماسورة فى القميص.
الحاجة الثانية وده اللى خالانى أطلب منك تحل الدبشك تأكد ان دراع التعمير مابيحكش فى جانب الفراغ الموجود فى البستم (ممكن البستم يكون لف لفه صغيرة وساند على دراع التعمير. (لو هى دى المشكلة ممكن ترجع البستم بعيد عن دراع التعمير برأس مفك عادة بس تاكد تعمل الموضوع والبستم فى مكانه الطبيعى مش وانت كاسر البندقية وكل ضغط السوستة على البستم).
خالص تحياتى.