[مصراويي]

شــــــــكر واجب لكل من يشارك ويثري محتوى هذا الموضوع
متهيألي والله أعلم انك بتفكر تحول بندقية رش هوائية نمرة 2 الى بندقية موريس عيار 22 مللى كنت زمان بتدرب عليها النشان أيام العسكرية وكانت ممتعة الصراحة.
الفكرة حلوة وتقبل التنفيذ وسهلة كمان.. لكن حتة المظروف ده بايخة شوية عشان مش حيتنطر زي المورس طبعا عشان المورس نص آلي.. بس أنا أفتكر إن الموريس مداه مش أد كده يعنى وفي بنادق ضغط هوا هاي باور مداها قريب من الموريس اللي هوه حوالي 150 متر في المعقول وطبعا وزن الرصاصة أتقل من الرش نمرة 2 وده اللي بيدي قوة تدمير وتأثير على الهدف أكتر فتقريبا وزن الرصاصة من 40 لـ 100 جرام في حين ان وزن الرشة 15.3 جرام
وتقريبا سرعتهم الرصاصة في حالة الموريس حتكون من 700 ل 1800 قدم/ث وفي حالة البندقية الهاي باور الرش حتكون السرعة 900 قدم /ث وده حيكون أكيد في صالح الموريس ان الطاقة الحركية حيكون أكبر في الحالة ده حيث ان الطاقة الحركية تعتمد على كتلة الجسم وسرعته طبقا لمعادلة فيزيائية والتناسب يكون طردي
بس أنا بسجل إعجابي بالفكرة بس عايزين نشوفها فيديو عملي وضرب في مكان في الخلاء مع توضيح نوع البندقية المستخدمة
استعنت ببعض الأرقام من مشاركات في مواضيع قديمة من الأستاذ والثلر walther