اقتباس:
المشاركة الأصلية كتبت بواسطة el7awi
ويا تري يا استاذ ياقوت حضرتك بترضي بمكسب 25 ولة 400 ؟ يا راجل دة التجار كلها كانت بتبيع الزوراكي 917 ب1300 و اجي اخدة منك تقولي 1350 و رغم ان دي مش اول مرة اتعامل معاك في شراء و رغم انك عارف اني بجيلك من اخر الدنيا لكن مردتش برضة تنزل 50 جنية ولما قلتلك هجي كمان اسبوع اخد فرات و ابقي اديك ال50 جنية لقيتك بتتعامل بأسلوب مش كويس تماما و اقولك طب مهو فﻻن بيبيعة ب1300 قلتلي وقتها روح اشترية من فﻻن و شوف شغلة عامل ازاي اجي امشي تاخد مني 10 جنية تمن طلقتين اتجربوة !! ال10 جنية مش فلوس و ﻻ ال50 جنية فلوس يس تأكد انا مخسرتش التجار كتير وناس محترمة الخاسر الحقيقي حضرتك بجد ﻻنك عارف اني تقريبا كل شهر بشتري مسدس و قبلها كنت واخد منك البارون وحضرت ك اكيد فاكر برضة واقعة البارون اكيد و قبلها واخد بي29
|
استاذ الحاوي
اطن اني كنت موجود انا بنفسي يوم انت ما جيت عند ياقوت عشان تاخد منه الزوراكي واللي انا عرفتة من الحوار اللي دار بينكم انك اتصلت بيه قبل ذهابك له وهو بلغك بان الزوراكي ب 1350 جنية والدليل بانك كنت موافق علي السعر انك رحتلة بعدها عشان تاخده بالسعر اللي اتفقت عليه معاه علي التليفون
وحضرتك بتشتري منه اصناف مختلفة من المسدسات بغرض الاسترزاق منها بمعني انك تعمل بنظام الكومسيونجي ومينفعش يا باشا انك تكسب من الطرفين
ومحمد ياقوت قالك لو فلوسك مش كاملة ممكن تكون عندك بصفة الامانه وخد بردو المسدس وهتهالي الاسبوع الجاي وانت جاي تاخد الفرات لكن انت اللي صممت تاخد الزوراكي بسعر غير اللي اتفقت انت معاه علية في التليفون وده اللي نرفز محمد ياقوت وانت عمال تكرر الكلام علية طب مهو فلان بيبيعو ب كذا وفلان بيبيعوا بكذا رد عليك محمد ياقوت طب اتفضل حضرتك اشترية من فلان او فلان طالما انت شايف ان سعره اقل مني
لكن سيادتك بردو قلت لا انا مش بتعامل غير معاك ولي عشم عندك لكن كلامك مكنش عشم خالص ده كان اسلوب فرض سعر مخالف للاتفاق و كل ده حصل بعد ما طلبت من ياقوت يجربلك المسدس بطلقتين ومفيش تاجر بيجرب المسدس لاي زبون قبل انهاء الاتفاق وانت كنت متفق وموافق علي السعر وبعد التجربة خلفت في السعر وقلت والله انا مش معايا غير 1300 وياقوت الك مش مشكلة خده ويبألي عندك ال 50 هاتهم في اي وقت انت رديت قلت لا انا هاخده وملكش 50 ولا حاجة عشم باه وده اللي سبب ضيق عند ياقوت من اسلوبك في الحوار الراجل كان رايح مشوار مهم جدا بخصوص والدته ومعادها مع الدكتور بتاعها ولما اتصلت انت بيه قعد استناك عشان انت بتجيلة من مشوار بعيد ومحبش يمشي ويرجعك علي الفاضي فميكنش ده جزاءه منك وعلي فكره انت اللي قلت لياقوت طب خلاص مش هاخد المسدس بعد ما طلعه من علبته وقلبت فيه وجربهولك وانت اللي دفعت حق الطلقتين هو مطلبهومش منك
وعيب جدا لما تيجي علي موضوع ملوش دعوه بتاجر معين ولا هو خاص بتقييم تعامل التجار وتمسك في سمعة الراجل وتسؤها عشان مخدتش المسدس منه بالسعر اللي علي هواك
وعلي فكره انا مكنتش هتدخل في التعليقات الاخيره بسبب كوني من ادارة المنتدي ولا يص ان اتدخل في اي تعامل بين اي تاجر وعميلة ولكن في الواقعة دي علي وجه الخصوص انا كنت موجود وشاهد علي اللي حصل ومينفعش انكر او امنع الشهاده حتي وان لم تطلب مني الشهاده ولكني لن استطيع ان اري شخص يظلم امامي وانا كنت حاضر واقف ساكت
وعلي فكره اللي بيكلمك ده برغم اني صديق لياقوت ولكن اقسم بالله ان عمري ما اشتريت حاجه منه وعمل معايا فيها واجب يذكر في السعر كوني صديق له
ولكن كل ما يهمني انه انسان يؤتمن وصديق فعلا يحترم واي مشوره او احساسة بالضيق بيكلمني ويفضفض معايا وده عندي بالدنيا كلها اما المصالح والفلوس تغووووووووووووورررررررررررر ملهاش عندي عازه ودي العملة النادره دلوقتي ( الصاحب ) ولكن بدون مصالح
اما عن موضوع الفاتوره ففي فرق كبير بين الفاتوره الضريبية اللي بيقصدها ياقوت عليها رقم سجل تجاري وملف ضريبي للمحل ... وبين مجرد ورقة بيان ليس مدون عليها اي بيان لا رقم ملف تجاري او ضريبي ودي مجرد ورقة عليها ختم خالص مع الشكر ملهاش لزمه
واي حد تروح تشتري منه اي حاجة ولو حتي لوح خشب وطلبت منه فاتوره ضريبية لازم هيغلي عليك السعر ومش هيتحمل لوحده مستحق الضريبة وده سلو البلد كلها مش محمد ياقوت هو اللي بدعها
وبعدين لما واحد ييجي ويشتري مسدس صوت وياخد فاتوره بالبيع ويروح يعمل حاجة ويعدل فيه بما يخالف القانون ويتمسك لا قدر الله تفتكر ساعتها انه مش هيحاول ينفد بجلده حتي لو قال انا شارية كده زي ماهو والفاتوره اهي من المحل الفولاني
ده تعليقي عليك يا استاذ حاوي والعقد شريطة المتعاقدين ولما تتفق علي سعر في التليفون متروحش تخالف كلامك وتحاول تحرج الراجل عشان تاخده بالسعر اللي علي هواك