اقتباس:
المشاركة الأصلية كتبت بواسطة thelegnedkiller
تمام الف شكر لحضرتك علي المساعده
بس انا عندي استفسار كمان لو سمحت
انا لو عاوز اصدر بتاع 500 طن
يدخلها تكاليف في كام
كمان انا اسافر مع الكونتينر الي هيسافر ولا احجز مكان ولا ايه ؟
|
500 طن إيه تحديدا
إنت قلت بلاستيك كسر
البلاستيك الكسر ليه 3 مستويات في التصدير
الحالة الكاملة ( زجاجات و أكياس و أجزاء بلاستيكية كاملة )
الحالة المحولة ( بعد الطحن و المزج )
حالة الخام ( بعد التحويل لخرز عن طريق ماكينات إعادة التصنيع )
سفر حضرتك مش مع الكونتينر طبعا
حضرتك تحجز علي نفس المركب لو فيها درجة سياحية بجوار الشحن
أو مركب تاني عن طريق نفس الشركة
تاخد منهم جواب و شهادة المنشأ و صورة من إيصال سداد رسوم العبور
و تروح علي القنصلية الصيني
و تطلع تصريح دخول لإتمام أعمال
ركز في المصطلح مش فيزا لأ تصريح دخول لإتمام أعمال
و ده للعلم أسهل بكتير من تذكرة حديقة الأورمان علي فكرة
و يا ريت تشحن من ميناء العين السخنة
أقل أرضيات و أفضل خدمات
و معدل دوران الشحن و التفريغ فيه عالي
يعني مش هتتعطل في الإنتظار كتير