[وليد سالم]

المشاركة الأصلية كتبت بواسطة dr_mohasan

الحمد لله , ربك برضه بيستر

ياريت لو تشرحلنا بالتفصيل شوية علشان ناس كتير نفسها تجرب صيد السمك

يعنى احسن وقت لصيد السمك ايه و نوع الطعم ايه و سمك الأنوم ده ايه و الكركور ؟

صديقي الغالي دكتور / محمد

سمك الانوم او ما يطلق علية بعض الناس في مصر خشم البنات

هو احد انواع اسماك النيل وتوجد بكثره في مياة منطقة مسطرد وسرياقوص وعند معدية عثمان بالاميرية وايضا في منطقة المنيل والمعادي وحلوان
وهي سمكة جميلة ولكن زفارتها عالية جدا وعشان تتخلص من زفارتها يجب ان يتم تشريح جلدها عند منطقة الزيل اكثر من مره حتي يتم اخراج الدماء من جسمها لان الزفاره فيها سببها الدماء بتاعتها وبيتم وضعها فورا في الايس بوكس وسط الثلج بعد تصفية دمائها منها لانها بتفسد بسرعه من حراره الجو
وقبل طهيها بيتم غسلها باليمون والخل



اما سمك الكركور او ما يطلق علية بعض الصيادين اسم ( ابو ريالة )

فهو من نفس فصيلة القراميط والبياض تقريبا ومقارب جدا للشبه لهم ولكن الاحجام بتكون صغيره عنهم ويمتاز بجسم به مسامات تفرز ماده لزجه عند الامساك به واصطياده حتي يستطيع الهرب والافلات من الصياد
به شوكتان علي جانبي جسمة حاده جدا مسببه لالم شديد عند عدم الحذر منها ولكنها غير سامة ويتم سلخ جلده قبل طهية ودسه في حلة الارز مثل الجمبري تمام ودي اكثر الطرق التي يتبعها محبي اكل الكركور نسبة البروتينت في الكركور عالية جدا جدا والطعم ممتاذ جدا