رد: سؤالين عن الخرطوش من فضلكم
السلام عليكم,,
الموضوع فى غاية الخطورة ليكم وللفلاحين القريبين منكم
وماانصحكش ابدا انك تطلع الطلعة دي وبالذات داخل الاراضي الزراعية
وانتم الاتنين ماعندكوش خبرة فى الصيد بالخرطوش
الاول اطلع مع واحد صياد ومتخصص بصيد البنادق الخرطوش
وبيكون الصيد فى المناطق الصحراوية بعيد عن الناس وفى الخلا
وعلى فكرة لو اتمسكتم بالبندقية وانتم بتصتادوا فى المنطقة دي
السلاح هيتحرز وهيتعملكم قضية ومحاكمة
الواحد لما بيطلع يصطاد فى الاراضي الزراعية بالرش
بتكون عينه فى وسط راسه وبكون مقلق جدا
على الرغم من انى بصطاد فى اراضي العائلة
وعلى العموم هاجاوبك على قد علمي
بخصوص السؤال الاول فأنت تبعد فوهة الماسورة مسافة كافية عن سنابل الغلة
ولازم تخلي بالك من الفلاحين الى بيكونوا فى الاراضي
وخلي بالك ان البلي هيقطع العيدان ويفرط السنابل فى الارض
وبخصوص هدوم المجني عليه ^_^
فده طبيعي لاي سلاح وليس للخرطوش فقط
وبخصوص السؤال التاني فالمدي يكون على حسب نوع البندقية ونوع الخرطوش
وكمان نوع الشوكة الموجودة عشان تعرف البلي هيروح فين
واخيرا نصيحتي ليك ماتطلعش الطلعة دي
وانا جاوبتك على الاسئلة بحد علمي عشان اجاوبك مش عشان تطلع
فياريت تقدر حجم الموقف و الخطورة الى ممكن تحصل فى ثانية
ارجو انى اكون قدرت افيدك
تحياتي لك
__________________
اللهم إني أستغفرك لكل ذنب .. خطوت إليه برجلي .. أو مددت إليه يدي
.. أو تأملته ببصري .. أو أصغيت إليه بأذني .. أو نطق به لساني
.. أو أتلفت فيه ما رزقتني ثم استرزقتك على عصياني فرزقتني ثم استعنت برزقك على عصيانك
.. فسترته علي وسألتك الزيادة فلم تحرمني ولا تزال عائدا علي بحلمك وإحسانك ..
يا أكرم الأكرمين يا أرحم الراحمين
|