[وليد سعد زغلول]

صباح الورد والفل والياسمين على أجمد صيادين
الحمد لله طلعنا النهارده للصيد بعد غياب أكثر من سنة
خرجت أنا وعبد الرحمن ابني وسامح أخو مراتي وكان أول مرة يطلع وعجبه الصيد جدًا
الطلعة كانت في الزيتون وبدأنا حوالي الساعة 6.20 وكانت مدة الطلعة حوالي ساعتين
البندقية نوريكا كويك والرش ديابلو ماتش ألماني
بدأنا بصيد يمامة ووقعت وفي سرعة البرق كانت في فم قطة ومش عايزة تسيبها رغم المحاولات وجرت بها تحت عربية قلنا الحمد لله وربنا يعوضنا
كملنا طلعتنا والحمد لله كانت الحصيلة 5 فرد حمام و7 يمام وغراب واحد
وفي آخر الطلعة ضربت يمامة كانت على شجرة وطارت ووقعت في مدرسة وكانت أيضًا من نصيب قطة
ويمامة أخرى ضربتها واتعلقت علي شجرة بين الأغصان
الحمد لله استمتعنا بالصيد وكانت طلعة رائعة
وأترككم مع الصور ودمتم في أمان الله