[عاطف الشاذلى]

المشاركة الأصلية كتبت بواسطة ابو مروان

بص يا عم عاطف......اولا انت لو هاتصتاد من العربية ودة انا بافضلة خصوصا فى صيد اليمام لان اليمام زكى جدا لو لمحك بالسلامة...يبقى تكون فى العربية وجاهز للصيد بعد الفجر على طول اول ما الشمس تشقشق هاتلاقى اليمام فين بقى داخل المدن السكنية الهادية زى التجمعات الجديدة والمساكن الشعبية اللى مليانة شوارع فرعية هاتلاقى اليمام فى الشوارع دى وعلى اسلاك الكهربا ..الصبح بدرى لحد الساعة 9 بالكتير بعد كدا ما تشوفوش فى الاماكن دى....لو هاتصتاد مشى....يفضل اماكن غير مفتوحة زى الغيطان والصحرا لان اليمام فى المناطق دى بيكون حذر جدا جدا يعنى هايقطع نفسك مشى وراة وكل ما تقرب من شجرة هايطير من عليها .....يبقى تعمل اية ....الاماكن اللى زى دى جنب غيطان القمح اللى بدا يتحصد هاتختار مكان تحت شجر كثيف وتلبد تجتة ويا سلام لو كان على حراف ارض غلة محصودة ...اليمام بيريح فى الشجر دة وينزل ياكل...يبقى تلبد وما تبانش خالص وتقعد واليمام ان شاء الله ينزل على الشجر فوقك الكلام دة امتة بقى من فترة بعد الظهر الساعة 2او 3 لحد بعد العصر...وممكن يكون الشجر دة مكان اليمام بيبات فية زى اشجار التوت والفيكس ممكن تصتاد لبعد المغرب واليمام جاى يبيت...اماكن الصيد بتيجى من الخبرة وكترة الطلوع احيانا الواحد بيطلع يرجع بجوز يمام _ههههه_ بعد الخبرة والصيد الاف المرات بس دى ارزاق وبعد الخبرة انت هاتبص للمكان من بعيد تعرف اذا كان فية طير والا لا...اخرج واصتاد وموش شرط تعمل اسكور لانك لو فكرت فى الاسكور وصور الصيد هاتتوتر وانت بتنشن على الطير

والله يا ابو مروان انت افدت واجدت ولو فيه جامعة للصيد البرى انا ارشحك تبقى عضو لأ لأ عضو ايه ارشحك تبقى رئيس هيئة التدريس فى الجامعة دى ربنا يجزيك خير ويزيدك علم والف شكر على التوجيه والنصائح الغالية