اقتباس:
المشاركة الأصلية كتبت بواسطة ابومسلم2005
زي بالضبط كل شوية ادخل المنتدى اشوف فيه جديد ولا لأ
انا عندي فكرة ممكن تنشط المنتدى شوية بس هي هتبقى مكلفة نوعا ما زي ما الاستاذ عاطف عمل
ممكن كل واحد يزود نشاطه على ارض الواقع شوية
يعني اللى مهتم بالمحدثات الصوتية يبتدي يهتم بحاجة واحدة معاها زي بنادق الصيد ويشتري بندقية ولو ارخص حاجة زي الصيني والرمسيس ويطلع يصطاد وسيجد هواية جميلة جدا ورزق كتير وجميل وصحى كمان وسعادة لمن حوله عمري ما انسى الشعور الجميل اللي بحس بيه لما اصطاد يمام واهدى ببعضه بعض الاصدقاء او اعزمهم على الغداء خاصة انه لا يمكن شراؤه الا عن طريق الصيد
او لو الواحد بيصطاد طيور ممكن ينوع ويشتري عدة صيد سمك (تاني يشتري) ايوة معلش هي الدنيا كده ما من شيء الا بشئ بس عدة صيد السمك ارخص بكتير من البنادق
المهم يطلع يصطاد وينقل لنا طلعاته وخبرته وبرده اهو رواج لادوات الصيد وهذا على سبيل المثال وليس الحصر
اناعن نفسي بفكر جديااني ارجع اصطاد سمك بعد انقطاع اكثر من خمسة عشر عاما ايام البوصة الغاب
|
هو المشكلة في حاجة يا ا\ابو مسلم ان الفترة الي فاتت دي كمية اعضاء جدد بيستفسروا عن حاجات اجابتها موجودة ومش دة المهم المهم انهم بعد مبنرد علي استفسارتهم او نصيحتهم علي حد سواء مخالفة او مشروعة بينتهي وجودهم تماما من المنتدي يعني الموضوع مش موضوع مشاركة مهمة وموضوع مفيد او تصوير طالعة صيد الكلام دة يبقي حلو في تنفيذة لو في اعضاء موجودة اصلا مهتمة بالمنتدي و بتحاول تفهم وتكتسب خبرات سواء في الصيد او محدثات الصوت زيي او حتي ابتكارات واستفسرات غير كمية الاعلانات الوهمية و المواضيع الي كل كلامها عن البلياردو والصيانة للغسالات والتلاجات او الربح عن طريق الانترنت لامؤخذة ربح اية الي من عن طريق الانترنت اقسم بالله حاجة تسد النفس وياريت عليها تفاعل + انها بتتكاثر بشكل كبير جداااا زي النمل وصحابها مبيسالوش عنها تماماااا وبتتكاثر وبتزيد علي حساب مواضيع البيع والشراء للبنادق والمسدسات و الاستفسارات المهمة بحق ربنا و بتطمسها تماما علي شوية حاجات تافهة