[ااحمد]

المشاركة الأصلية كتبت بواسطة rahmed7

أستاذي العزيز الحل أظن أنه سهل جدا ولو في حد يحب يشارك معايا يتفضل
أنا راسلت الشركات المصنعة الاصلية في أمريكا وهما ممكن يوصلوا البنادق ومسدسات الهواء اللي بتستخدم في الصيد بالبريد لاي مكان في العالم حتي مصر
بس السؤال: هل فيها مشكلة لو طلبناها من برة وجت في الجمرك؟
لو ما فيش مشكلة، أنا هابعت أجيب طلبية بس الشحن هايتكلف 120$ للمسدس (مصاريف الشحن) بس ممكن أجيب 3 مسدسات بنفس المبلغ للشحن وبكدة هايوقف سعره أرخص يجي عشر مرات من سعره دلوقتي في مصر
لو في حد يقدر يفيدنا من الجمرك هانكون شاكرين
ولو ما فيش مشاكل أي حد يحب يشارك معايا أهلا وسهلا وهانتقابل بعدين
شكرا علي الموضوع الرائع

اخى الفاضل
تحياتى
انا مش معاك فى الموضوع ده لأنى جربته قبلك وفعلا دفعت الفلوس ومع الاسف جت الحاجه بعدها بحوالى 5 شهور واتحجزت فى المطار وبعتولى وكانت مشكله كبيره بالرغم من انها كانت بندقية صيد !!! المهم الموضوع دخل فى سكة امن الدوله ،،، وما اطولش عليك فى الاخر وبعد عذاب وبعد ما دفعت الفلوس (بالفيزا طبعا) صادروا البندقيه وماخدتهاش ولولا الله ثم الواسطه كانو عملوهالى قضية امن عام وحاجات من هذا القبيل .
المهم يعنى انا عايزك تعرف اننا فى مصر ومش ممكن بل وصعب و اكيد مستحيل اننا نشترى حاجه زى دى وتوصل وخاصا فى الايام دى .
والله الموفق