رد: رش نمرة 2 بخزنة
انا سالت نفس السؤال قبل كده...الواضح ان فيه بنادق من النوعية دي زي الاتي:
- ديانا 300r وديه مشاكلها كتير وبتبوظ علي طول والساقية بلاستيك وبتتكسر...سيبك منها..دي عار الديانا
- البي اس ايه جولد ستار..مفيش منها جديد..وهي اصلاً مش موجودة في مصر غير مستعمل وانت و نصيبك..ومشكلتها ان حتي المستعمل منها نمرة 1 مش اتنين.
- الفايروخ 97 خزنتها صغيرة اوي ..اربع رشات ..وسعرها فوق ال8000 اخر مرة سالت عليها ده غير انها غير متوفرة حالياً خالص لا في القاهرة ولا في الاسكندرية وانا سالت عليها بنفسي ووصيت طوب الارض.
-جامو شادو ماتيك..تحفة وخزنة عشر رشات بس اتسحبت من السوق اليومين اللي فاتوا عشان الكل كان عاوزها كسلاح دفاع فعال بصراحة..وهيا كانت نمرة 1 بس سرعة وقدرة اختراق رهيبة ووزن خفيف وقابلة لتعديل شكل الدبشك عشان بتقي مسدس كبير وطويل بس سهل حمله واستخدامه.
فيه انواع تانية كتير بس مش بتنزل مصر من اصله زي بنادق ضغط الهوا وبنادق غاز الكربون..ودي ليها مشاكلها وعموماً مش حتعرف تجبها ولو عرفت سعرها في رأيي حيعدي 12 الف مستريح وصيانتها في منتهي الصعوبة.
|