السادة القائمين على ادارة المنتدى
تحية طيبة وبعد ,,,
بأختصار
انا مش هبقى قديم ولا واية ..
انا مسجل فى المنتدى من 2008 يعنى المفروض ابقى بظت مش قدمت!!
دانا جبت جبنة رومى من اسبوعين جبنة رومى جديدة نسيتها اسبوعين برة التلاجة بدوقها امبارح لقيتها قدمت
فسألت نفسى
دانا بقالى 3 سنين فى المنتدى وقاعد برة التلاجة ومقدمتش هل ناقصنى فورمالين ؟
وبعدين محدش يقولى انت مابتشاركش
لا دانا كاتب اهم موضوع ازاى تصطاد اسد ببندقة رمسيس نمرة واحد
وهوا اينعم مكملش بس انشاء الله هيكمل على 2077 لما اقدم وتكون جينات الاسود اتغيرت وبقت اد الفران او الاسود نفسها انقردت وميكونش فية اثبات على كلامى .انشالله حتى اقول كيف تصطاد اسد يتفة ..
بجد بقى شكلى وحش ادام الاعضاء الجدد فى المنتدى لما ارد على حد فى موضوع ويلاقينى صياد جديد " من سنة 2008"
يا جماعة انا بهزر عادى المهم انى فى المنتدى اللى ضامم اكتر ناس محترمة وزوق
والسلام عليكم
امير