اقتباس:
المشاركة الأصلية كتبت بواسطة ahmadkader
و الله يا جماعة أنا لسة راجع دلوقتى و كنت مع جماعة أصدقائى ليهم فى قصة الإستيراد بوجه عام ، و الإستيراد فى حد ذاته فعلا مافيهوش أى مشاكل ، إن شاء الله خلال اليومين الجايين هيبقى بس همى كله فى الضوابط الأمنية للموضوع ، دلوقتى الكورة فى ملعب الداخلية و الضوابط اللى ممكن تعترضنا ، و إن شاء الله هنلاقيلها حل ، لأننا بالكمية اللى وصلتنى لغاية دلوقت دى كدا بنتكلم فى ترسانة بنادق ، حضراتكم فعلا مش متخيلين أنا وصلنى كام طلب ، و فعلا لازم ناخد موافقات بالمنظر ده و لازم نمشى قانونى جدا ، و خصوصا بالأوضاع اللى البلد فيها دلوقت هيشددوا على أى حاجة. بس إطمنوا ، حتى لو كانت الضوابط هتحكم مثلا سرعة البندقية ( و لنقل 300 متر / ثانية ) ففيه فكرة ممكن نتغلب بيها على القصة دى ، ممكن نستورد ال version اللى سرعتها مسموح بيها و نستورد فى نفس الوقت فى شحنة تانية من مكان تانى ال mechanism بتاع السرعة الأعلى و نركبه عليها ، أولا هيفرق جامد فى السعر و ثانيا هنعرف بكدا ندخلها . عموما هى فكرة من ضمن الأفكار و ياريت لو حد عنده فكرة برضه يشاركنا.
|
بس هل معني كلام حضرتك ان حيكون فيه تاخير في الشحن لحد ما يتم الحصول علي الموافقات الازمة وتعيين مستورد معاه رخصة؟
كمان احنا بس طلبين من حضرتك تنشر الاسعار بتاعة كل سلعة تم طلبها عشان بس نساعد السادة الاعضاء يحددوا نيتهم النهائية في الشراء وبكدة ممكن الكميات المطلوبة تنقص او تزيد علي حسب الاسعار...