اقتباس:
المشاركة الأصلية كتبت بواسطة hoka
ايه الفرق بين نمره 1 و2:
الفرق فى حجم الرشه وقطرها
نمره 1 اسرع بالرغم من ان نمره 2 اكبر:
بص لما تيجى تزق عربيه 128 وعربيه نص نقل انهى اسهل واسرع؟؟
الرش كذلك لان انت بتستخدم نفس حجم الهواء لضغط كلا من الرشتين (1و2) وبما ان 1 اصغر فهى اسهل فى الدفع وبالتالى اسرع فى الانطلاق
ايه الفرق بين الرش والخرطوش:
الرش ضغط هواء وليها عيارات من 1 لحد 50 وبتستخدم ضغط الهواء فقط سواء بسوسته او مخزن غاز
اما الخرطوش فهى تستخدم البارود بدفع كميه من الرش(البلى) وبتختلف انواع الخراطيش(الذخيره) حسب الحجم والعدد والتاثير واظن حضرتك شوفت الخرطوش المطاطى المفروض فى الثوره
الافضل؟؟:
بص كل نوع وليه صيده واسلوبه يعنى الرش او ضغط الهواء صوتها اقل من الخرطوش وتاثيرها فى الهدف وفقط واضعف طبعا وبالتالى هاتعرف تصطاد بيها فى اى مكان وتدرب عليها انما الخرطوش فلو ضربتها فى بيتكو ممكن تعمل الحيطه غربال
هههههههههههههههههه
علشان كده حسب الطريده لو يمام مثلا يفضل الرش ولو بط يفضل الخرطوش وهكذا
موجود خرطوش فى مصر بس محتاج اما ترخيص او انك تكون عضو فى نادى الرمايه لانها تعتبر سلاح نارى ويقتل الانسان بسهوله
افضل بنادق الخرطوش اعتقد ماركه اسمها هولاند اند هولاند وديه بتعدى ال100 الف جنيه
لكن طبعا اى صياد بيجيب بندقيه خرطوش فى حدود 15 الف - 60 الف جنيه
افضل محل سلاح فى اسكندريه اعتقد فتح الله بس بردو اسال يمكن فيه احسن منه وعندك استاذ هشام سمير من اهالى اسكندريه
بالمناسبه
عيارات الرش الكبيره زى عيار 50 مع بعض انواع بنادق الرش اللى بتستخدم مخزن الهواء ممكن تقتل دب
يعنى حتى ضغط الهواء ممكن يستخدم فى قتل البشر ولذلك مش موجوده فى مصر
بس
يارب اكون افدتك واهلا بيك
سلام عليكم
|
والله الواحد مش عارف يقولك أيه ألف شكر على المساعدة و المعلومات الوفيرة جذاك الله كل خير