رد: موت و اتسرق وانت ساكت ؟؟؟؟؟؟؟؟؟
عايزين تسمعو المأساه اللي احنا عايشنها في السويس بعد التحيه يا استاذ ماكس و حمد الله علي سلامتك يا استاذ انا دكتور صيدلي من السويس زميل ليا عنده صيدليه بجوار قسم السويس دخلاوها بلطجيه و ضربو الدكتوره لدرجه ادخلتها العنايه المركزه و سرقو الصيدليه
تحت البيت عندي و انا ساكن في مكان مقطوع اكتر من 6 اكتوبر عسكري الجيش يا عيني اللي قاعد تحت البيت غربلوه بالالي
زميلي صاحب مكتب دعايه اللي عاملي دعايه الصيدليه دخلو عليه المكتب ب 9 مم و ضربوه و ضربو صاحبو الللي معاه بالمطوه في بطنه و بعد ما عرفنا مكانه و جبناه خدتو الشرطه و هرب من الصول في المحكمه(ولا اقصد العتاب علي الداخليه )و لكن صاحبي مرعوب عشان الواد عارفو و احنا روقناه علقه محترمه
ضابط شرطه (ملازم اول ) صديق عزيز اضرب بموتسكل من 4 ايام
ضابط شرطه (عقيد )اضرب بعربيه مرسيدس و هو رايح الشغل
ضابط جيش (نقيب )ساكن جمبي اضرب بالنار مرتين في صدره عشان واحد طلع عليه يسرق عربيته
صاحبي و امه وقفوهم علي طريق السويس و بيقولي قلبونا بس بصراحه بقمة الاحترام
صاحبي و خطبتو قاعدين في عربيته في اكثر الاماكن ازدحام في السويس الساعه 8 بليل دخلو عربيته و ثبتوه ب 9مم و مضو علي مبايعه و قلولو خد الاموره و انزل يا.....
قريبي ثبتوه و هو نازل من الدرس ب 9 مم و الناس حوليهم و قلبو هو و اصحابه و مشيو في سلامو عندي من القصص الكثير و لكن هذا ما حدث لاصدقائي فقط فلكم ان تتخيلو انا صيدلي امتلك صيدليتان و ساكن في مكان مقطووووع و من حقي ارخص سلاح اعمل ايه
و اللي مش مصدق انا مستعد احط اسامي الناس و ارقامهم ايضا بعد موافقتهم
اسف علي الاطاله و لكن الكلام محبوس جوايه بقالو كتير
و شكرا للمنتدي الذي اعطاني الفرصه ......
و للناس اللي اصلا مرخصه سلاح حي متحكموش علينا اذا كنا نعرف نستخدمه عشان ندافع عن نفسنا و لا كلنا متخلفين .......ربنا كرمكم و ربنا يكرمنا و يسترها على البلد و علينا كلنا
السلام عليكم
|