رد: مطلوب مساعدة فى تل مجرى
السلام عليكم
انا بردو عندى تل مجرى عتله قديمه بقالها حوالى 20 سنه او اكتر غيرتلها السوسته ب 90 جنيه عند شريف 100 شارع شبرا بس طلع عينى على بال ما جبلى السوسته الاصلى هيا السوست اللى عنده مصرى كتيير بيكون لون سلكها رمادى فضى لكن الاصليه بيكون اسود و لما تبص فى اخر السوسته تشوف لمعه زرقاء خفيفه هيا سوستيتين جوا بعض المهم تاخد بالك من عدد لفات السوسته الكبيره يكون زى بعض او اقل واحده او اتنين مش اكتر لو اكتر مش هتركب بالنسبه للسوسته الصغيره انا ابتريت اقصرها عشان تركب و البندقيه تلقط التعمير و عنده جلد زفره و بيركبها ب 35 جنيه عند شريف 100 شارع شبرا بردو بس اتاكد ان مفيش تسريب من الجزره عشان انا بعد ما غيرت السوسته و الجلده و اتزليت و طلع عينى طلع عندى تسريب فى الجزره ( مكان وضع الرشه) و نتج عنه عدم وجود اى اختلاف فى قوه البندقيه رغم الجلده و السوسته الجديده بس الحمد لله عالجت موضوع تسريب الجزره ده و رجعت مدفع زى ما جت من المصنع و اصطدت بيها غراب بالنسبه للناشينكان انا لفيت كتيير و رحت محافظات غير القاهره ملقيتش خالص بس رحت خرط مسمار الناشينكان عند خراط و ركبته الدنيا ظبطت و شوف كده و لو احتجت اى مساعده انا معاك
|