[Astromic]

الواد ده انا هزأته قبل كده و كنت على وشك اني اضربه, لان في مره كنت بدور على رش جامو معين و دخلت و شرحتلوه مواصفاته قالي "مفيش الي انت تقولوه ده" و ضحك كأني بتخيل حاجات مش موجوده و هو طبعا اعلم مني, و الحمد لله كانت معايا صوره للعلبة على الموبايل وريتهاله قالي "هي دى الانواع الي عندنا عايز تشتري ولا لأ؟" للقيت نفسي كنت هاكله و اتنرفزت عليه لغاية ما الناس هدتني, و طبعا كل الي واقفين بيشتروا فرحوا فيه لان الظاهر دي معاملته معاهم كلهم, المهم جه واحد تاني اعتذرلي و شاكله بيفهم و قالي بأدب هات نمرة تليفونك و اول ما يجيلنا النوع ده حنبقى نكلمك....

الناس دى فاكره نفسها ايه؟؟, هما لما حسوا ان الناس محتاجاهم ساقوا فيها,,,, الظاهر ان الفئه دي ماينفعش معاها الزوق الي بنستعمله مع بقية الناس,,,المهم انت ولا تزعل نفسك, هو شكلوا عيل واطي و جتلوا فرصة انه يطلع مركبات النقص الي عنده على الناس المحترمة الي زي حضرتك...

انا عن نفسي مقاطعهم من اول ما شفت جشعهم الى ذاد جدا, و الحمد لله مش محتاج حاجه في الوقت الحالي و حتى لو احتجت ممكن استحمل شويه لغاية ما يتأدبوا و يقولوا الله حق...