[mohmarei]

اشتريت بالأمس وخلال العرض من معرض الأستاذ شريف أبوضيف طبنجة صوت تركي.
ودي تجربة الشراء من معرض أبوضيف
عارف لما الواحد يدخل مكان مريح للأعصاب.
كل الناس بتتعامل باحترام غريب من أول الأستاذ شريف نفسه لحد الآنسات اللي بيبيعوا وبالذات الآنسة اللي باعتلي صبرت على صبر لأني معرفش أي حاجة في السلاح وأول مرة أتعامل معاه وفهمتني طريقة التشغيل وجربتهولي.
آه وعلى فكرة السعر أقل بكتييير من اللي الواحد بيسمعه في السوق.
على فكرة أنا بقول الكلام مش علشان حاجة أنا ممكن ما أروحش المعرض ده تاني لأني مش محترف أو هاوي الأسلحة هي بس علشان اليومين دول.بس أنا شفت قصص في المنتدى ده من ناس اتنصب عليها من شوية كومسيونجية وأنا مستغرب ليه الواحد يشتري من كومسيونجي بسعر أغلى من المعارض اللي بتبيع بفاتورة وأماكن محترمة
دي مش أكتر من شهادة حق لأن زي مافي الوحش في الحلو وزي ما في ناس بتتعامل مع محلات معينة وبتذوق الأمرين من قلة ذوق وتطاول وقرف. لأ في ناس محترمة وولاد ناس بجد...