[Consul]

المشاركة الأصلية كتبت بواسطة بدر

تم تغيير مكان الاجتماع فى نادى لمدينة 6 اكتوبر
وسيتم صرف وجبة غداء ومشروب ساخن لكل عضو
تحياتى
وشوف بقى مين هيجيلك مدينة نصر

بارك الله فيك حبيب قلبي...مبادرة حلوة منك يا أبو بدر...قد القول وأبو الكرم...ويجعل بيت الخيرين عمار...مقبولة العزومة وتترد لك قريبا إن شاء الله...مش ممكن طبعا نكسفك ونرفض عزومتك...إنت مقامك عندنا عالي وكبير قوي...بس...أنا بأقول بس يعني فرضا لو جد في الأمور أمور...ولأي سبب تعذر تنفيذ ذلك...هناك شرط جزائي يا بطل...هو الإجتماع فعلا بعد المغرب...بس كلنا هانيجي صائمين ( مسلمين ومسيحيين ) من الصبح علشان نبل ريقنا معاك ويبقي فعلا جمعنا عيش وملح ( مجازا طبعا ) إنت أبو الكرم والكباب والحمام المحشي والمشوي ومايمنعش طبعا تحبيشة أسماك ومأكولات بحرية على جمبري جامبو وطبعا السلطات والمقبلات وفواتح الشهية ده غير المشروبات وماتقوليش عرقسوس ولا خروب...عايزين من الحاجات إللى بتفرقع ولما تتفتح ما تتقفلش تاني...أنا بأفكرك وأذكر هذه الأشياء علشان لو تعذر التنفيذ هايكون الشرط الجزائي ورد الإعتبار عن طريق الإجتماع في نادي وفندق النصر للقوات المسلحة بمدينة نصر...وأضعف الإيمان المشاريب عليك يا أبو الكرم...وربنا يصبرنا ولما نروح بيوتنا نبقي نكمل عشانا نوم...فكر براحتك وخذ وقتك إحنا مش مستعجلين ولسه باقي كام يوم تدبر نفسك فيهم...ودائما عامر يا حبيب قلبي يا أبو بدر...خالص تحياتي...