فكره هاتحل مشاكل كتير
السلام عليكم
انا طبعا بقالي فتره معاكم في المنتدي وشوفت حجات كتير اوي حلوة وحجات قليله كانت بتزعلني
مثلا
موضوع البيع والشراء بين الاعضاء لازم يكون في مشاكل وفي برده عروض بيع وشراء بتتم بكل سهوله ويسر
المهم الاختلاف بيكون علي موضوع السعر ( في الغالب بيكون البائع عارض سعر عالي)
وطبعا يقوم داخل حد ويقله السعر عالي اوي وحرام عليك والحجات دي
يروح البائع يرد عليه ويقوله لو مش عاجبك ماتشتريش وبعدين انا علي طول بشوفك في المنتدي في كل المواضيع بتبخس سعر الحاجه.
والخ الخ الخ الخ
وطبعا دي امثله
المهم انا اقترح علي اداره المنتدي انها تعمل موضوع مثبت
يتم فيه طرح اسعار الاسلحه بدايه من الرش وحتي الصوت والحيه
ويتم كل اسبوع تجديد الاسعار علي حسب السوق.
وطبعا انا شايف ان ده موضوع بسيط جدا بالنسبه للخبرات اللي موجوده.
فابلتالي.
اي حد عاوز يبيع حاجه . يدخل الموضوع ويشوف سعرها كام ويروح عارض علي نفس السعر.
طبعا الكلام ده لو البندقيه جديده يعني ماينفعش واحد مطلع عين البندقيه ويجي يعرضها بالسعر بتاع الجديده ههههههههه
المهم واللي هايتشري برده هايكون عارف المبلغ الاصلي للحاجه اللي هايشتريها دي كام.
وحتي كمان الموضوع ده هايفيد لو حد عاوز ينزل المحلات يشتري حاجه
يبقي عارف سعرها كام لان ممكن يروح اي محل وينضحك عليه .
واسف علي الاطاله وشكرا ليكم .
|