اقتباس:
المشاركة الأصلية كتبت بواسطة طلعت بخيت بسكالس
كان يا ما كان و على مدى الأزمان
بلد و كانت أول البلدان
بكرية الدنيا لكين صلى ع النبى
كانت ترضع أمها الألبان
من قبل منها الأرض عاشت سداح مداح
تسكنها أشباح ناس على حيوان
و شعرها منكوش و لا عارفه اسمها
و العقل غايب و الكلام هذيان
الا و تطلع جنب نيل مصر للعجب
مخاليق تقيس الأرض بالفدان
تعمل بيوت لها سقف و محل للأدب
وفرن عيش و مراية للنسوان
تحسب بروج النجم و الشمس و القمر
و تقول ح ييجى يوم كذا الفيضان
تبرى القلام البسط و تخط ع الورق
جوابات حكومة و فلسفة و بيان
تمان تلاف عام كل عام ألأف تجربة
و لكل تجربة ألأف ألأف ميدان
يا مفتحين العين كلامى يسركم
و يا غفلانين نشوا على الدبان
و لا كل من لها خارط قالت أنا بلد
الرك ع المدنية و العمران
و عمار يا مصر عمار بنيلك و أمتك
عمار بافراحك و بالاحزان
آدى اللى دم الجندى ع الصخر أثبته
بحروف من النار فى نهار شدوان .
كل الحب والتحية ليك ياصلاح باشا ولعمنا الغالي رحمة الله عليه المبدع صلاح جاهين
|
اهلا بك طلعت باشا عم الكل وواضح انك بتحب الشعر وبتحب مصر اكتر وشكرا على مرورك بالموضوع