رد: هل يوجد مسدس ذو ماسورة مصقولة " غير مششخن"
شوف يا سيدى الفاضل مبدئيا الاسلحة اللى بتستخدم فى اطلاق مقذوف رصاص لازم تكون مششخنة و الا الطلقة هتكون قصيرة المدى ضعيفة القوة غير دقيقة الاصابة لأن الششخان الموجود على السطح الداخلى للماسورة او السبطانة هو المسئول عن الحركة المركزية للطلقة (بالبلدى عشان الطلقة تبرم حوالين نفسها) و بالتالى تحافظ على اتجاهها و قوتها
نيجى بقى للسبطانة المصقولة (الغير مششخنة) و ده بيكون فى البنادق الخرطوش لسبب بسيط انها مش بترمى مقذوف عشان بتعتمد على تحرير جسم (بلى الخرطوش) من الظرف و الماسورة بتستخدم للتوجيه مش محتاجة ششخان على عكس نظرية المقذوف الواحد (المسدسات و البنادق الالية و النصف الية و كل ما يطلق الرصاص)
و اخيرا الكلام ده على حد علمى و لو حد من الاخوة ليه تعقيب او وجهة نظر يتفضل يشرح و يفيدنا
تحياتى
__________________
اذا طعنك شخص بخنجر لسانه ... فأقتله بسيف ابتسامتك
|