اول رحلة صيد بجد بالبام 21
دايما كنت لما اطلع ملاقيش يمام
فكان اقصى عدد جبناه في حدود 10 - 12 بس انهاردة حاجة تانية خالص ربنا الحمد لله كرمنا اخر كرم وكان الصيد رائع ومجزي وغير جائر .... جبنا 27 فرد يمام وحمامة (انا عارف ان فيه ناس هتقول حرام بس دي جت غلط مكانتش واضحة مع صاحبي في السكوب .. وافتكرها يمامة كبيرة شوية )
وكان معايا في الرحلة تلاتة اصحابي عاصم , سامح و مصطفى
كان الضرب من على الارض والشجر و من فوق العمارات لغاية 5-6 ادوار يعني من الاخر
كان معانا بندقيتين البام بتاعتي و الشنجاهاي B2-2a بتاعت سامح بس مجبناش بالشنجاهاي غير يمامتين والباقي بالبام ....
احلى حاجة غير الحصيلة الصحبة الحلوة و الضربات المستحيلة طبعا على ناس مبتدئين زينا ....
اسيبكم مع الصور (انا اللي لابس سويتشيرت اسود وساند على العربية وسامح اللي لابس قميص لبني واللي مدينا ضهرو ده مصطفى (عشان مجبش انهاردة ولا حاجة فزعلان من الصيد :p)
وانشاء الله المرة الجاية هصور الضرب فيديو عشان عايز تقييم من الأعضاء على المستوى اللي وصلنا ليه