[braveheart]

المشاركة الأصلية كتبت بواسطة Consul

إزيك يا مدير ... مساء الأنوار يا باشا .. أخبار مزاج سعادتك أيه يا فندم .. المشكلة إني خايف صاحب فكرة الربوة دة ميجيش أصلا ... ههههههههههه
والله على رأيك حبيب قلبي...ده بالذات لو ماجاش يبقي عمل فينا حتة مقلب ساقع قوي...لن ننساه طول العمر...والجو اليومين دول قلب ببرد شديد...وأكيد الربوة بيبقي عليها ثلج ساقع قوي...بص حبيب قلبي...غندي إقتراح جهنمي ويا ريت تضيفه عندك في لائحة الجزاءات...إنت الأول إعرف لنا مين أخونا الحبيب الغالي صاحب هذا الإقتراح ودي سهلة قوي ( راجع المشاركات كلها وشوف مين أول واحد ذكر كلمة الربوة )...هوا كده كده وفي جميع الأحوال ها يتوقع عليه عقاب...لو جه ها نخليه يحاسب على المشاريب ( وطبعا ما يمنعش حد يطلب ساندويتش ولا صحن بليلة ولا حتي شيشة عجمي )...وآه بقي لو ما جاش...ما يعرفش إيه إللي مستنيه...ها نخليه هدف تنشين لحبايبنا الأشبال المبتدئين البراعم المتفتحة أملنا ومستقبلنا...وبرضو رحمة بيه ومراعاة لظروفه هانديهم بنادق رمسيس نمرة 1...علشان تعلم فيه بس وما تعورهوش...إحنا برضو نخاف عليه ويهمنا أمرة...هو في الأول والآخر أخ عزيز وغالي علينا وعضو فعال في أسرتنا الحبيبة...وبرضو فرصة الأشبال يتدربوا على هدف حي متحرك...وعلشان يعرفوا من صوته الرشاية جت في الهدف ولا لأ...يبقي ضربنا عصفورين بحجر واحد...والله حلوة الديموقراطية...أظن مافيش أحسن من كده...إيه رأيكم يا شباب...عايزين نستفتي ونصوت على الموضوع ده ( خللي بالك المرة دي لازم تكون الصناديق خشب ) علشان ما حدش يقول إننا ظلمناه أو بنستبد برأينا...وعلشان يتفرق ذنبه بين القبائل...شد حيلك وهمتك حبيب قلبي...يا ابو قلب حديد...الموضوع ده فيه نجمة كبيرة بترقية وعلاوتين يا بطل...وماتنساش مفتاح قفل الصندوق تعمل منه 10 نسخ علشان ما حدش يعرف مين اللي فتح الصندوق ولعب فيه...خللى الناس تسلي نفسها وتفكر في حل هذا اللغز ومعرفة الفاعل...علينا وعليك بخير يكون عدى فترتين إنتخابيتين يكونوا الناس نسيوا وإتعودوا...وبعدين نخليها مدى الحياه...وسلملي على الدستور الجديد...خالص تحياتي...

ههههههههه .. و الله يا سيادة القنصل معاك حق ... و صاحب الفكرة أسمه mdfd5 .. ( تسليم أهالي أهو ... ههههههههه ) .. و بناءا عليه تم طرح هذا المكان للأستفتاء بجانب الأماكن الأخري التي كانت مطروحة.
و أؤوكد لك أن المرة القادمة الصناديق هتبقي خشب ... و خشب زان كمان .. و إن شاء الله أنت اللي هتفتحها .. أنا مليش دعوة ... ههههههه