اقتباس:
المشاركة الأصلية كتبت بواسطة taimour
الاخ الكريم يونس00000حمد للة على سلامتك يا اخى بتقول انك 22 سنة يعنى لسة مخلص الدراسة يعنى تستحق اننا نقولك مبروك انك خلصت بالسلامة0000 دة اولا 0000على فكرة انا اشتغلت و انا سنى 25 سنة اقصد الشغلانة الدائمة اللى انا لسة فيها لحد دلوقتى و مش عايز اقوللك ان بقاللى 17 سنة لحد دلوقتى لاحسن تفتكرنى عجوز000 بس انا من اول متخرجت كنت بشتغل اللى قدامى يعنى اللى بيجى فى سكتى قعدت 4 سنين مبقولش لا00 لاى شغلة حتى لو كانت بسيطة ووالدى اللة يرحمة كان مبسوط لانة حاسس انى بحاول التعارك مع الحياة و بحاول ادوس فى الدنيا و الحمد للة لقيت الشغل اللى استمريت فية000
كل شغلة حتعمل بيها حتديك خبرة و حتقابل ناس ممكن يعاونوك لشغلة تانية و حتى لو مقبلتش حتكتسبب خبرة اللى بتشتغلة و بتحققة0000 اخى يونس الفلوس حتيجى حتيجى متستعجلش العمر قدامك و ربنا يباركلك فى عمرك و حتعرف00000 كلنا مر علينا نفس الظروف0000
المهم متتكسفش من اى مهنة واللة اى مهنة حتى لو بعت انابيب بوتجاز000صدقنى حتديك خبرة فى حياتك حتى لو شغلة بسيطة حتفيدك000 دة ثانيا
ثالثا و اخيراااااااااا متقولش اخد و حقبض كام دية اهم حاجة فى الاول لانك لو فكرت كدة مش حتشتغل0000 اى فلوس برضة متقولش لا0 لية؟؟؟؟ لانك لو بتصرف 20 جنية فى اليوم و قبض 10 جنية من شغلك بس0 اديك وفرت
10 جنية000 يعنى نصيحتى متسالش حيدونى كام0000
فكرة جميلة انك تكتب هنا رقم تليفونك ممكن حد يساعدك دة جميل بس وضح انت معاك اية او ممكن تشتغلل ايةو انشااااااااااااااااااااء اللة انشااااااااااااااااااااء اللة ربنا حيوفقك و تلاقى اللى نفسك فية000 و تفتكر الايام اللى كنت بتشتغل فيها شغلانات بسيطة و حتلاقى نفسك بتفتخر بكدة00 يعنى مش حتنكرها و دية عن تجربة000 طولت عليك و ربنا يوفقك و تقبل مرورى ووجعت دماغك
|
بصراحة يا استاذ تيمور انت جبت المفيد
انا زيك بردو
بس انا عندى دلوقتى19 سنة
بشتغل من 2 اعدادى
كمبيوتر وصيانة وبيع وشراء واللى يجى ادامى بردو مقوش لأ مادام مفيهوش حرمانية
ومن اربع سنين وانا بدأت احتر صيانة الكمبيوتر والشبكات
والحمد لله انا دلوقتى ماسك صيانة فى شركة كمبيوتر وانا لسه بدرس فى 2 كلية علوم
بجد اللى هيدور ربنا هيديه
شد حيلك يا استاذ يونس وباذن الله ربنا يديك
وسيبك من موضوع مجزى دى الخبرة اللى هتكتسبها بجد متتقدرش بتمن اهم حاجة تختار المجال اللى يديك خبرة فى الحياة والشغل والناس
تقبل مرورى