[mustafa-amer]

و صلت المشاركات ل 9 و كلها حكايات شيقة مع انها حوادث

يلا نرجع لحكايتي و اليمامة التي انقذتني من علقة

كنت بصطاد باليل سنه 1986 كان عندي 14 سنه و كان معايا زميلي انا كان معايا بسكلته صيني " ماركة الحمامة" و كانت جديدة و كان صاحبي معاه بسكلته قديمة شوية المهم إنطلقنا إلى احدى القرى و ركنا البسكلتات في اول صف شجر توت و صفصاف و انا قفلت بسكلتتي بالقفل و رحنا نصطاد و نضرب اليمام اللي بايت على الشجر و إحنا راجعين كانت الكارثة مالقيتش البسكلته الصيني الجديدة؟؟ طب هاروح إزاي و هاقلهم إيه بصراحة خفت من العلقة السخنة العجله لسة جديدة و انا ضيعتها

المهم انا إتخذت قرار سريع قلت لصاحبي روح إنت و ودي اليمام البيت و بلغهم إن مصطفى هايبات عند صاحبة اللي في القرية " حيث كان ليا صاحب هناك و كنا بنصطاد على حسه في المنطقة دي هو الان في النمسا" المهم بيت عنده و حكيت لماماته الوضع و قالتلي ماتخفش هاندورلك عليها و سألنى في البيوت اللي حوالينا قالوا محدش شافها.. المهم نمت و صحيت عالأذان و مع شروق الشمس اخذت البندقية و طلعت و قلت اكيد الحرامي حس بينا امس و ممكن إنه يهرب العجلة بره البلد و ممكن اشوفه صدفة لان الشك قادنا إن الحرامي من جيران صاحبي

المهم ضربتلي كام يمامة و منهم اليامة إم وش الخير ضربتها من على صور دور تاني و إنقلبت لجوه و انا صممت اجيبها خبط عالناس ماحدش فتح " حيث لهم بيت مجاور قديم" المهم واحد قالي إطلع على الشجرة دي لغاية البلكونة و نط هات اليمامة؟ و فعلا تسلقت و مشيت عالفرع الطخين" حيث كان معروف ان الأطفال يتزحلقون عليه يوميا" المهم نطيت في البلكونة" بيت تحت الإنشاء" و ابص عالارض لقيت اليمامة غارقة في دمها إنحنيت اجيبها و انا قايم المح إيه؟؟؟؟؟؟؟؟؟؟؟؟؟؟

ألمح كاوتش بسكلته متغطية ببطانية و راكنه عالحيط اشيل البطانية لقيت العجلة الصيني الزيتي ماركة الحمامة اللي عالزيرو... فرحت جدا طب هاخدها إزاي و كان عليها قفل تاني من الحرامي و كان صعب انزلها من على الشجرة المهم زي ما طلعت زي مانزلت و معايا يمامة حلوه و حكيت لمامة صاحبي و راحت زعقت لهم و جبنا العجلة الظهر و اخذتها و يافاكيك و من يومها و انا تعلمت التصميم و الصبر و التفكير الجيد و لولا ربنا و تفكيري لما توصلت لمكان البسكلته الصيني الزيتي ماركة إيه؟؟؟؟؟؟؟؟؟؟؟؟؟؟؟

بس خلاص أيه رأيكم بقى؟؟؟؟؟؟؟؟؟؟؟؟؟