[galal khalifa]

الاخ العزيز اسامة
روق كدا وتعالي نتكلم بصراحة الناس دية شغالة علي مزاحها واصحاب المحل مش فاضين لينا ( الزباين ) والمهم عندة الفلوس وطبعا البياع الي واقف فاكر ان هو ابو العريف والزبون دة ابو الجهل .
دة طبعا التفسير الي انا شايفة بس في تفسير تاني وهو ان 99 % من قطع الغيار مش اصلية ودة طبعا ها يكون علي حساب القياسات والمعايير الفنية لاي شئ والدليل علي كدا ان رحت اشتري من عند فتح اللة سوستة ديانا 52 اصلية فطبعا البايع مش عارفني لكن الست الي موجودة عارفاني وبياع تاني عارفني بس كان معاة زبون المهم الاستاذ المحترم جاب سوستة من كيس وقالي اتفضل يا استاذ سألتة بكام قالي 200 جنية المهم قات لو دية مش اصلية قالي ازاي دية خارجة من علبة البندقية رديت وقلت لة دية مش اصلية المهم كانت البائعة خلصت الي معاها قالتي ازيك يا استاذ جلال بصراحة كنت قرفان جدا من الي حصل قلتلها انا عايز سوستة ديانا اصلي قالت لواحد اسمر هات ياعم فلان سوستة ديانا اصلي من فوق المهم الراجل جاب السوستة فهلا اصلية طبعا انا هجت علي البتاع وتدخل البياع الي عارفني وقلة الاستاذ جلال مش زبون .....
انا بحكي القصة دية علشان ااكد الي قلتة قبل كدا ومافيش بياع اسلحة عندة ضمير وطبعا الناس الي مش فاهمين
بتشرب قطع الغيار الي مش اصلي ونفس الموقف دة حصل في محل الصياد الصغير بتاع ابن ميشيل عازر الغريب في الموضوع ان البياع في منتهي البجاحة الي يقولك احنا محل محتر م يا بية والي يقولك ربنا يعوض عليك
حاجة بقت تقرف الجشع ملا قلوب الناس ...
وفي النهاية معلش يا اسامة المهم انك خت حقك وهو دة المهم ...