بص انا هبصطهالك هههههههه
بهزر معاك
اه
بص
دلوقتي عندك عربية
لامبورجيني مثلا يعني
و تريلا كبيرة
و جيت عملت بينهم سباق و في اخر الالطريق بتاع السباق حطيت سور كبير بحيث كل عربية تبقى في اخر طريقها السور
و طبعا اللامبورجيني اصغر من التريلا
دلوقتي عملنا السباق و اللامبورجيني سبقت طبعا عشان اصغر و اسرع
ووصلت للسور قبل التريلا و خبطت فيه السور طبعا مش كله هيتكسر بس هيبقى فيه اصابات
اما التريلا بعد لما وصلت دمرت السور و مبقاش منه حاجة عشان كبيرة طبعا
دلوقتي نفس الكلام في الرشة
نمرة 1 هتضرب اليمام هتخش من نحية و هتخرج من التانية و هتلاقي اليمامة نازلة نضيفة
اما نمرة 2 هتضرب فيها بس هتفرتكها
فهمت التدمير بتاعها اقوى
و طبعا على حسب قوة البندقية يعني لو ضربت بواحدة هاي باور محترمة نمرة 2 هتفتك الفريسة
اما نمرة 1 بتنزلها نضيفة
و انا شايف 1 او 2 مش هتفرق
على فكرة
احنا اساسا الطيور اللي عندنا في مصر صغيرة
انا بشوف ناس هتموت عشان الحكومة تفتح الترخيص
طيب على ايه
هتصطاد غزال يعني
مبرده هتصطاد يمام و حمام و فراخ و كده
نفس الكلام برده
المهم اي استفسارات تاني احنا في الخدمة