[unknown]

الكثير منا يسأل نفسه هذا السؤال وكثيرا ما يعزف عن وضع صور فى المنتدى نتيجة لأنه لا يعرف ومحرج ان يسأل وهذا هو سبب كتابة هذا الموضوع لمعرفة كيفية رفع الصور على المنتدى
هناك طريقتين لرفع الصور على المنتدى وسنعرفهم الان والشرح سيكون مدعم بالصور

الطريقة الأولى

وفيها سنستعين بموقع لرفع الصور عليه وفى هذا المثال سيكون الموقع هو imageshack وهو احد المواقع المشهورة لرفع الصور وكما هو موضح فى الصورة ادناه سندخل على الموقع ثم سندخل على كلمة Browse ونضغط عليها - خطوة رقم 1 -

عندها سيظهر لنا مربع جديد وهو الموضح فى الصورة أدناه وهذا يساعدنا على اختيار الصور الى هنرفعها من على الكمبيوتر بتاعنا وعلى فرض مثلا ان الصور على الديسك توب يبقى هدخل عليه من جوة المربع - خطوة رقم 2 -وبعد كدة هضغط open الى موضحة فى الصورة تحت - خطوة رقم 3 -



بعدها على طول هيظهرلنا الصفحة الرئيسية الخاصة بالموقع المرفوع عليه الصورة وهيكون بالشكل الى احنا شايفينه فى الصورة أدناه وهيكون موضح فيه اسم الصورة بعد الرفع وحجمها وهنا بقة هندخل على image resize علشان حجم الصورة ميبقاش كبير وهنختار 640*482 زى ماهو واضح فى الصورة - خطوة رقم 4 - وبعد كدة هندوس على الزر الأزرق الى مكتوب عليه upload now كما هو موضح - خطوة رقم 5 -



بعد ما يخلص تحميل هتظهر الصورة الى حملتها على الصفحة الرئيسية وتحتها بعض الروابط هختار رقم 2 ومكتوب عليه direct link وهاخده كوبى كما هو موضح فى الصورة - خطوة رقم 6 -



بعد كدة بقة هرجع للمنتدى هنا وافتح موضوع جديد او اضافة رد وهلاقى الصفحة الى فى الصورة أدناه قدامى وفيها الأيقونة الى على شكل ظرف جواب واللى موضحة بالصورة ادناه - خطوة رقم 7 - وهضغط على الأيقونة دى وهلاقيها هتفتحلى ديالوج على شكل مستطيل



هضع بداخل المستطيل دة الرابط بتاع الصورة الى انا كنت وخده كوبى وهعمله باست كما هو موضح -خطوة رقم 8 - وبعد كدة هدوس ok - خطوة رقم 9 -



وهتظهر قدامى الصورة بالشكل الى ظاهرة فيه فى الصورة ادناه فى الخطوة رقم 10 وبعد كدة اكتب تحتها اللى انا عايزه ثم اعتمد المشاركة او اعمل معاينة زى فى الصورة - خطوة رقم 11 -



ودى كانت الطريقة الأولى نيجى بقة للـ..............

الطريقة الثانية

وهى اسهل من الطريقة الأولى شوية لأنها عن طريق المنتدى وطبعا بفتح برضة موضوع جديد او أضافة رد وبنزل تحت شوية بلاقى زر مكتوب عليه ادارة المرفقات وطبعا بضغط عليه زى ماهو موضح بالصورة أدناه فى الخطوة رقم 1 وبلاحظ انه بيفتحلى صفحة تانية صغيرة شوية على شكل مستطيل



الصفحة واضحة قدامنا فى الصورة ادناه فى الخطوة رقم 2 وبلاقى فيها برضة كلمة browse طبعا بضغط عليها زى ما فى الخطوة رقم 3 وبتفتحلى الهارد ديسك بتاعى بختار الصورة اللى عايز ارفعها وبضغط open ولكن فى هنا ملحوظة
المنتدى له حد اقصى فى الحجم والطول والارتفاع ودة موجود قدامنا فى وسط النجمة فى الصورة ادناه




دلوقتى الصورة ظهرت قدامى جوة المستطيل الى موضح فى الصورة ادناه - خطوة رقم 4 -وبعد كدة هدوس على الزر رفع الى موضح فى الخطوة رقم 5



وهنا بقة هقفل الصفحة الصغيرة بعد ما تخلص تحميل وهلاقى الصورة ظهرت عندى فى المرفقات زى ماهو ظاهر فى الصورة ادناه فى الخطوة رقم 6 وهنا طبعا هكتب اللى انا عايزه وبعد كدة اعتمد الموضوع يا ريس


سهلة شوية الطريقة دى مش كدة؟؟
لكن عيبها الوحيد ان الصورة حجمها بيصغر بزيادة شوية عن الطريقة الأولى فلو مش هيفرق معاك حجم الصورة يبقى خليك فى الطريقة الثانية ولو عايز الصورة كبيرة وواضحة يبقى عليك وعلى الطريقة الأولى

واخيرا اتمنى ان اكون قد افدت اخوتى فى المنتدى ولا اسألكم الا الدعاء لى ولوالدىً بظهر الغيب وشكرا لكم