[silver_5000]

السلام عليكم و رحمة الله و بركاته

بصو يا رجالة , باختصار شديد انا من اللى بيحبو يلعبو ف الحاجة اللى معاهم لحد مايجيبو اخرها , و ف ظل المعلومة دى فى حاجة جت ف دماغى قولت اجربها , ف التونا بتاعى انا عارف حكاية ان ردة الفعل الناتجة عن انفجار الطلقة هيا اللى بتسحب الاجزاء علشان يبقى نصف اوتوماتيك , بس جه ف بالى اجرب اضرب طلقة صوت و انا شايل الجلبة اللى ف اخر الماسورة و اشوف لما الاجزاء متتسحبش تانى عملى علشان احاول افكر ف الموضوع عمليا , المهم شيلت الجلبة و حطيت طلقة صوت و ضربت , و النتيجة كانت ...... الطلقة ماتضربتش اصلا , و لا حاجة حصلت , الطلقة فى ف اخرها الاثر بتاع الابرة بمعنى ان الابرة ضربتها بس مانفجرتش , حاجة غريبة جدا , ملقتلهاش تفسير , ف قولت اطلع الطلقة و افتحها و اتفرج عليها , ف شيلت البلاستكة الخضرة اللى بتبقى قافلة على البارود و قلبت الطلقة علشان اوقع البارود منها , بس مفيش حاجة وقعت منها , ملقيتش فيها بارود اصلا , اللى انا بقى عايز اسال عليه كون الطلقة متضربتش ليه علاقة بانى شيلت الجلبة اللى ف الاخر دى و لا هيا صدفة غريبة انى اشيل الجلبة و اجرب على طلقة بايظة ؟؟؟؟ و هل موضوع ان الطلقة مفيهاش بارود ده طبيعى , يعنى عيب شائع شوية ف الطلق او حصل مع حد قبل كدة و لا ايه ؟؟؟؟؟ اسف انى طولت عليكم بس حابب افهم او اعرف انى فاهم صح و لا غلط , و متشكر جدا للجميع و اسف على الاطالة