اقتباس:
المشاركة الأصلية كتبت بواسطة salas0010
انت عمر ولا ايمن انت كاتب فى اخر موضوعك عمر وفى اوله انا ايمن بما انى فى كليه تجاره فبجمع 1 و2 يبقى انت اسمك عمر ايمن صح ؟
هههههههههه ايمن اوووه قصدى عمر انا بهزر معاك
لو هتصطاد بط وارانب او طرائد كبيره خليك فى بندقيه رش نمره 2 وبالاخص لو مبتدئ اما لو محترف هتعرف تنشن ببندقيه رش نمره واحد فى مقتل وتصطاد طرائد كبيره والجيت بندقيه اكثر من ممتازه ونشانها دقيق جدا اما نمره اتنين زى بندقيه اسمها بام مش هتفرق معاك طرائد كبيره ولا غيره بالبلدى مدفع ولو اصبت الطائر فى مكان غير مقتل هتكسره ويا رب اكون قدرت اساعدك والرائ قابل للتعديل من اعضاء المنتدى المحترمين
|
اقتباس:
المشاركة الأصلية كتبت بواسطة salas0010
انا كنت زيك يا عمر بغمض عينى الشمال وانشن باليمين ولاكن شوفت فى قناه ناشينوال جيغرافيك ان اللى بينشن بعنيه الاتنين وهما مفتوحين يبقى افضل بل مميز كمان ومن ساعتها ضربت نفسى والحمد لله بعد 25 يوم مبقتش تفرق معايا اغمض عين ولا لا
والسلام عليكم وتقبل مرورى
|
هههههههههه ماشى انا هبدأ إن شاء الله بالجيت
طيب ازاى بتنشن وعينك الاتنين مفتوحين ؟
انا مش بشوف النشان الامامى اصلاً لو عملت كده بيكون الخلفى فى حته والامامى فى مكان تانى !
اقتباس:
المشاركة الأصلية كتبت بواسطة well12m
فى نظارات بعين واحدة بتستخدم للرمايه ممكن تفيدك
|
هحاول اشوفها ديه شكراً ياباشا
اقتباس:
المشاركة الأصلية كتبت بواسطة sameer
في موضوع العين دي الاخوة جاوبوك و البندقية الجيت جميلة اوي اوي و انا نفسي اجيبها بس النمرة 2 غالية تقريبا 3000 و ممكن ما تلاقيهاش وهي بندقية هاي باور النمرة 1 سرعتها بتعدي 300 م/ث و تجيب انشاء الله اي حاجة بس هاتلها رش مسطح عشان ما تسرقش الطريدة وهيا كدة كدة جامدة و بعدين انا ابتديت اقتنع ان النمرة 1 احسن من النمرة 2 انا باضرب بالنمرة 2 وساعات اليمامة تاخدها وتطير وواحد صاحبي بالنمرة 1 الحمامة بتنزل مقفولة
و لك حرية الاختيار
|
انا شايف ناس كتيير بتشكر فيها فعلاً واهو عندنا اصلاً واحدة نمرة اتنين كرال ماجنوم تمشى مع واحدة جيت وإن شاء الله تمشى
وشكراً لردك
اقتباس:
المشاركة الأصلية كتبت بواسطة هشام سيد
باشا انا عندى نفس المشكلة بالظبط والحمد لله بضرب بالشمال وبغمض عينى اليمين فى الاول كان الموضوع صعب وبعد التعود والتكرار بقي شىء عادي
|
انا لما بتزنق بعمل كده ده الاسهل لى
اقتباس:
المشاركة الأصلية كتبت بواسطة هشام سمير
الاستاذ عمرو اهلاً وسهلاً بحضرتك فى المنتدى
المشكله مشكله اعصاب فى المقام الاول وحلها سهل بالتمرين يعنى يا سيدى من غير بنادق ومن غير حاجه ضع يدك على العين الشمال وبعدها اغمضها وضع يدك عليها لفتره واليمين مفتوحه طبعاً
وبعد فتره (دقيقه مثلاً ) انزل يدك اترك عينك الشمال مغلقه
وكررها اكثر من مره وان شاء الله المشكله تتحل بسهوله
الحاجه التانيه بقا زى اخونا الغالى مقال لحضرتك ان الضرب المفتوح افيد واعظم والضغط على العين بيكون اقل والارهاق برده بيقل جداً وافضل طريق ان تحول ان صوره عنيك الشمال تكون مشوها علشان المخ يتغاضاها
وبالنسبه لنمره واحد فهى البندقيه الامثل للصيد فى مصر
لا الطاقه الحركيه المنبثقه من المقزوف قادره على السيطره على طيره موجوده فى مصر
وعلى فكره الضربه لو مش فى مكان قاتل لو انت ضربها بوبلى باتريوت حتتسرق ومش حتقفل فى مكنها
|
هحاول اعمل التدريبات ديه وشاكر ليك جداً وإن شاء الله هكلم حضرتك بكرة نتفق على السعر النهائى للجيت وامتى والمكان
وإن شاء الله لنا تعامولات كتيير بإذن الله
والف شكر على الرد السريع
اقتباس:
المشاركة الأصلية كتبت بواسطة mahmoud11144
اللة معك يا صديقي وبالتوفيق ان شاء اللة
واظن ان الاصدقاء افدوك اكتر مني
تقبل مروري يا صديقي......
|
ياباشا نورتنا والله شكراً لردك
اقتباس:
المشاركة الأصلية كتبت بواسطة s.elrefaey
يا باشا ما تقلقش
مشكلة عينيك دي مشكله بسيطه جدا و حلها ان شاء الله بالتمرين
اما بالنسبه للبندقيه نوريكا جيت ف دي بندقيه ممتازه.... اما نمره واحد او اتنين انا شخصيا هاجيب نمره واحد
مش علشان انها احسن لكن علشان امكانياتي الماديه كده
و على ما سمعت ان الموضوع مش موضوع نمره واحد او اتنين..... المهم انك تضرب في مكان مؤثر
وتقبل مروري
|
انا شفتك فى موضوع كنت عاوز جيت نمرة واحد وكنت لسه هرد عليك برسالة هقولك إن طلبك عند الاستاذ هشام سمير إن شاء الله انا هجيبها منه إن شاء الله
اقتباس:
المشاركة الأصلية كتبت بواسطة android man
انا عندي نفس المشكلة وبضر امسك البندقية بالشمال وامري لله علي ما اتعود اغمض الشمال
|
ربنا معاك ومعايا :d