رد: كيفية أختيار نوع الرش
بسم الله الرحمن الرحيم
الاخ الكريم لي تعليق علي مشاركتك رجاء تقبله
اولا :
الرش البلاستك هو رش من النوعيه الجديده اللي شركات متعدده انتجته زي رش برومسيوس الانجليزي وده افضلهم وجامو الاسباني وده كله بلاستك عكس البرومسيوس المهم الرش ده لا يرفع سرعه الطلقه 3 اضعاف السرعه بتاعتها والا كان تم تحريم دخوله مصر لانه علي ويبلي باتريوت ممكن يفوق بضعفين سرعه الريم فير وده مستحيل وعن تجربه شخصيه هوه بيزوده السرعه بمقام الربع يعني لو هيه 1000 تبقي 1250 ....... والتجربه دي علي ويبلي باتريوت و رش برومسيوس انجليزي
ثانيا :
مافيش رشه بلاستك خالص
فالبرومسيوس الانجليزي ذو راس تيتانيوم وجسم بلاستك اما الجامو فهو ذو حسم بلاستك وراسه محشيه قصدير وعندي النوعين والجامو يرجع الفضل في التعرف عليه لمحمد بك انور لانه جاب لي عينه من ايطاليا وهو غير موجود بمصر
ثالثا:
ضربه ببنادق ضغط الهواء مهما كانت قوتها لا يسبب انصهار البلاستك وجرب كده اضربه في كتاب وطلع الرشه لن تجدها منصهره نهائيا وده عن تجربه شخصيه وقرائه نظريه
رابعا :
كل الفكره في الرش البلاستك انه بيخف في وزنه وده بيؤدي الي زياده سرعته......... ملحوظه ده مش بيؤدي الي زياده الاختراق ولا حاجه لانه بيزود السرعه وبيقلل من الطاقه الحركيه فالمحصله النهائيه ولا حاجه زيه زي العادي ......... وممكن تتاكد عن طريق تنزيل برنامج قياس الطاقه الحركيه اللي احمد بك كمال حاطه علي المنتدي ........ وعن نفسي عملت تجربه للمقارنه بينه وبين البرو ماجنوم من جامو والبرومسيوس الانجليزي والنتجه نفس الاختراق
وتقبل مني مروري وتعقيبي وفائق الاحترام والتقدير
|