رد: انتم عارفين ان فى يوم غضب تانى يوم 28 مايو ..فيديو
أيه الحكاية ؟؟!!!!! ..... هى الناس أتعودت على المظاهرات على الفاضى ؟!!! .... بلد لسه طالعه من أزمات وداخله على إنهيار إجتماعى ... عايزين يخربوها ؟!! .... وبعدين التغيير تم ... كفاية إن مصر فى خلال 4 شهور حققت إنتصار فى العلاقات الخارجية محققتهوش فى ثلاثين سنة !! ...... كفاية إيقاف إتفاقية دول حوض النيل وتحقيق المصالحة الفلسطينية ... وبعدين التعيين بمسابقات قبل الثورة فى إى شركة كان بياخد 5 أو 6 شهورالناس اللى عاطلة عايزة تتعين فى شهر !!!!!!!!!!!!!!! ..... وبعدين بالنسبة لمادة قطع الإتصالات هتلاقوها أكيد فى أى قانون فى العالم ... وذلك لوجود سيطرة الدولة فى حالة الطوارئ لمنع تسريب للمعلومات فى حالات الحروب .... وبعدين ده حصر السلطة فى شخصين ... رئيس الجمهورية أو رئيس الوزراء ... المشكلة فى قطع الإتصالات فى 28 يناير أنه أسئ إستعماله ... لازم نعقل ونفكر كويس قبل الإنجراف وراء أى شعارات مجوفة ونلاقى الثورة فقدت معناها و البلد حالها يسوء ... دعوة للتفكير قبل التسرّع والإندفاع .. وده رأيى الشخصى .. مع خالص إحترامى وتقديرى للعقلاء .
__________________
قوة السلاح الحقيقية ليست فقط فى جودته ولكن تظهر قوة السلاح الحقيقية طبقاً لمهارة مستخدمه
م/ أحمد عبد الهادىArch_Ahmed84@yahoo.com
|