رد: اجراءات ترخيص سلاح حي؟
اخوانى الاعزاء الترخيص شغالة والحمد لله والمطلوب فيش جنائى وشهادة طبية باطنى ونظر معتمدة ويكون عليهم صور شخصية وعدد 4 صور شخصية حديثة صورة البطاقة الشخصية وتكون متجددة مش منتهية وبعد كدة تروح القسم اللى حضرتك تابع لية وتروح داخل على المختص فى مكتب الترخيص هيطلب منك تعمل طلب وتكتب فية مبرراتك لعمل الترخيص ولازم تكون مبررات قوية بمعنى حضرتك ضابط سابق فى الجيش او الشرطة اوعضو قضائى او وكيل نيابة اويكون عند محل دهب اوتجارة كبيرة بمبالغ مالية كبيرة او يكون عندك ارض مساحات كبيرةوبعد متعمل الطلب تدخلة للمامور القسم يعتمدة لك وبعد كدة خد شهر تحريات وموافقات من ادارة المخدرات و الاداب و الاموال العامة والامن العام وبعد الموافقة ان شاء الله تروح تاخد تصريح شراء سلاح لمدة 3شهور قابل للتجديد مرة واحدة فقط وبعد ماتجيب السلاح تروح القسم عشان ياخد بصمة ورقم ومبروك عليك الرخصة يا باشا والرخصة للعلم تجدد كل 3 سنوات عاى فكرة المبررات لازم تدعم بمستندات رسمية ترفق ب الدوسية بتاعك المعلومات دى عن تجربة اكيدة لى وان حاليا انتظر الموافقة ان شاء الله وتصريح الشراء الناس فى القسم منتهى الادب والتعامل بحترام شديد وارجو من الله يوفق الجميع وشكر ا
|