رد: صورة للديك الرومي الملقب بالحباري
الاخوة الاعضاء
انا عايز اقول قصتي مع الحباري لانها ظريفة جدا جدا في عام 1997 كنت اعمل في شركة كمبيوتر كمدير للمبيعات وكان في مناقصة في محطة الكريمات بعد حلون وسط الصحراء وكنت هناك ودايما في الاوقات دية بحط بندقية معايا في السيارة وكان معايا عربية غريبة شوية وكنت جايبها للصيد مخصوص وهي عربية بيجو 304 اثرية وانا راجع الكاوتش ضرب ونزلت علشان اغير في منطقة صحراوية وبعد لما خلصت ببص شوفت الغول الحباري ماشي ورقد جنب عمود كهرباء ضغط عالي المهم الاول ماعرفتوش اية دة المهم دخلت بالعربية في مدق صغير هو جري شوية ويعدين ركن عند عمود تاني قربت بالعربية وبعدين بطلتها وسبتها تمشي بقوة الدفع و كانت العربية استشن قمت جبت البندقية وحطيت فيها رشة وكانت بندقية ديانا 50 وقعدت مستني البية يتحرك والشمس حامية واستنيت اكتر من ساعة مطلع البندقيةوهو بيتحرك قلت مافيش الا فرصة واحدة في الدماغ وبس وطلعت بوز البندقية واستنيت لمدة اكتر من ساعة وفين ووفين طلع دماغة وهي الضربة وفعلا جت في دماغة والله يا جماعة الفرحة كانت لاتوصف وقعدت اجري علية وانا خايف جدا لانة وحش وختة علي البيت والي عرفتة امي رحمة الله عليها وقالت لي دة ديك رومي بري وكانت اكلة ملهاش حل
__________________
الصيد متعة والتفوق هو الهدف
التعديل الأخير تم بواسطة galal khalifa ; 10-01-23 الساعة 09:34 AM
|