اقتباس:
المشاركة الأصلية كتبت بواسطة الصقر المصرى
الطبنجه 9مللى حلوان المعدل عن تجارب شخصيه هو مسدس فاشل بكل المقاييس من وجهه نظرى واسبابى عن تجربه هى:
1-ثقل وزن السلاح وكبر حجمه النسبى
2-رد الفعل التقيل نسبيا بالذات لاصحاب البنيه الضعيفه واللى كمان بياثر على التصويب فى حاله الاطلاق المتتالى
3-الخزنه بتشيل 8 طلقات بس وده الحد الاقصى ليها والعملى 7 طلقات علشان الياى ميضعفش وده فى حد ذاته عيب خطير لانه مش بيحقق عنصر الكثافه النيرانيه المطلوبه للردع فى حالات الدفاع عن النفس (يعنى مثلا لو اتقطع عليا الطريق وفى المتوسط بيكونوا 5 افراد لو هتعامل معاهم مش هيكون قدامى غير انى اضرب فى المليان على طول لانى هبقى محتاج انى اوفر الطلقات ولا هعرف اضرب طلقه فى الجو ولا طلقه فى الارض زى تعليمات الداخليه )
4-مدى الطلقه فى التوجيه 10متر والمحاذاه 20 متر والتنشين 50 متر وده اخر مدى مؤثر للطلقه بعد كده هتكون كانى ضربته بطوبه فى حين ان المدى ده اكبر من كده فى الجلوك او البيريتا او الfn البلجيكى
5-خامات السلاح رديئه وبتسخن بسرعه فى الاطلاق المتتالى وده بيخليها تعلق فى اوقات كتير حتى مع التنظيف المنتظم للسلاح برده مع الاستخدام العادى والاقل من العادى هيعلق واجزاء كتير بتتقطم فى الضرب غير اليايات اللى بتبتدى تضعف مع اى استخدام واكترها ياى الترجيع وياى دفع الخرز وياى التتك احيانا ومعنى كده ان السلاح عمره قصير
6-عمليه الامان فيه تافهه جدا بالرغم من انها تبان معقد غير انها بتحتاج لاستخدام اليدين معا وده عيب خطير
وده طبعا رايي الشخصى ولو فيه ميزه هو رخص ثمن السلاح ليس الا وعن نفسى مش بنصح اى حد بيه الا لو كان عايز يشترى مجرد خيال ماته وبالنسبه للثمن اعتقد ان الفرق بينه وبين انواع اخرى زى ال اف ان البلجيكى مش هتكون غاليه بالنسبه للحلوان .
خالص تحياتى،،،
|
بص يا استاذي بالنسبة للثقل في الحجم فعلا الحلوان تقيلا بس ممكن تقارنها بالسي زد السي زد اتقل كمان بس الحلوان فعلا رد فعل اشد من السي زد اما بالنسبة للعملية الحلوان سلاح عملي بكل المقاييس لانه فكرة عمله بسيطة ومفيش تعقيدات في الاجزاء الداخلية وبالنسبة للامان بالعكس ده افضل امان لانه بيعمل خنق للطارق من الاخر هو سلاح كويس عيبه شكله الغبي وثقل الوزن فقط