اقتباس:
المشاركة الأصلية كتبت بواسطة adel152
يامحمد بيه تم الاتفاق وتنظيم المسابقة وانا كنت احد طاقم الادارة وأقترحت ان يكون هناك صورة واضحه للعضو مع سلاحة كشرط لدخول المسابقة وكذلك أقترحت بعدم دخول المشرفين والاداريين المسابقة وتكون للأعضاء فقط (وكان ليه وجهة نظر من هذه الاقتراحات وبالفعل كانت وجهة نظرى فى محلها).
استاذ امام أظن انا وحضرتك تبادلنا المشاركات فى أكثر من موضوع خاص بحضرتك والحمد لله لايوجد اى خلاف شخصى. انا لم أشير من قريب أو بعيد فى تعليقاتى ان البندقية ليست ملك حضرتك أو ان الصورة من على النت. لكن واضح جدا الفرق فى البنية الجسدية لصورة حضرتك الموجودة كصورتك الرمزية والبنية الجسدية لحامل السلاح حتى لو كان بدون وجه.
لكن حضرتك مش شايف انه غريب جدا ان من ضمن 6 مصوتين لبندقية حضرتك يكون 4 منهم دخلو المنتدى بعضوية جديدة للتصويت مخصوص لحضرتك (3 منهم ماهر ياسر-محمد رايق-bedo7 سجلو فى يوم واحد وصوتوا لبندقيتك فى 8 دقائق؟). والخامس mando0o لم يشارك الا بمشاركة واحدة من سنة ونص والتصويت لحضرتك تكون مشاركته الثانية (والغريب برضه ان الرابع والخامس mando0o-mostafaeslam يصوتوا لبندقيتك فى فترة زمنية 5 دقائق).
طبعا ممكن تكون صدفة لكن أكيد برضه انها صدفة غريبة جدا.
انا عملت المشاركة دى بس للتوضيح للأعضاء وجهة نظرى. ولعلم الجميع عموما واستاذ هشام خاصة لو أستمرت المسابقة وكنت انا الفائز فأنا لن أستلم الجائزة ويمكن عمل مسابقة أخرى عليها للأعضاء.
خالص تحياتى للجميع.
|
يا استاذ عادل نحن إتفقنا على اشياء وبمجرد خروجنا من الاداره هذا لا يعنينا ويتحمل هذه المسؤليه المشرف المسئول عن قسم المسابقات والسيد هشام سمير ،عموما من وجهة نظرى انه لايجوز دخول الاستاذ هشام سمير المسابقه لانه صاحب المنتدى ومقدم هذة الجائزه علمنا انه إذا كسب احد الاعضاء المسابقه سيقدم له السيد هشام الهديه طب لو تم ان هشام هو الذى كسبها من سيقدم له الهديه؟ انا افضل ان يشارك الاعضاء فقط بصوره تشجيعيه وانا ضد عدم مشاركة المشرفين لانهم مثل باقى الاعضاء ويجرى عليهم مايجرى على غيرهم .
وتحليلاتك سليمة وبالنسبة للمشرف امام هو قال انه مخطئ واعتذر وامرة للسيد هشام فقد اخذت حضرتك موقفا تجاه المسابقه والسيد هشام له كامل الحريه فى الاجراءات الاداريه تجاهه.
تحياتى للجميع.