1)مسدسات الرش فى منها نوعين :
1-نوع بساقية او بكرة.
2-نوع بخزنة(طلق خرز).
3-نوع فردى(طلقة كل ما تعمر).
دة من جانب النوع اما من جانب مصدر القوة او الهواء فى ثلاث مصادر .
ب)مصار القوة او الهواء:
1-سوستة(spring power): ودى زى بنادق الرش الى بتحتاج تعمرها علشان تضغط السوستة.
2-كاربون ديوكسيد(CO2 power): ودى عبارة عن انابيب صغيرة جواها CO2 الى هيدفع الطلقة وبتغيرها كل ما تخلص (تقريبا كل 60-80طلقة).
3-نفخ هوائى(Pneumatic Pre-compressed): ودى عبارة عن اسطوانة كبيرة شوية موجودة تحت المصورة وليها بلف علشان تتنفخ بالمنفاخ لغاية ما الموئشر يتملى(مصطفى الصياد).
ج)قوة المسدسات والعيار:
معظم المسدسات الرش هتلاقيها نمرة 1 ودة علشان يعرفوا يوصلوا لاقوى سرعة وعلشان حاجة كمان ان نمرة واحد بتستخدم لضرب الاهداف المعلقة ودة غرض المسدس الرش وعلى فكرة دة هيبقى حلو ليك يا شمس فى نوادى الصيد وتقريبا معظم المسدسات عيار 177 هتلاقى سرعة الطلقة 400.
اما نمرة 2 هتلاقى منها قليل شوية ةتقريبا هتلاقة سرعة الطلقة ضعيفة الا فى مسدس واحد صناعة DIANA.
صور لئشكال المسدسات:
1-مسدس ساقية CO2.
2-مسدس خزنة CO2.
3-مسدس فردى سوستة spring:
4-مسدس المسابقات,نفخ هوائة (PCP):
د) افضل مسدسات الرش:
1-Beretta FS92
طبعا beretta شركة مسدسات عريقة والمسدس دة بيدى طبع او شعور كائنك معاك مسدس حقيقى.
2-Beeman p1
Feinwerkbau P40-3
ودة مسدس الرماية او المسبقات , منتهى الدقة تمنة بيوصل ل2400 دولار.
ه)اقوى المسدسات و اشهرها:
1-Diana RWS P5 Magnum
المسدس دة بجد ممتاز فى القوة قوتة بتوصل ل 550 قدم فى الثانية نمرة 1 و 450 قدم فى الثانية نمرة 2.
2-GAMO P-23 Combat
المسدس دة ممكن يضرب 15 طلقة فى ثنيتين.
وعلى فكر تقريا كل المسدسات زى بعضها الى يفرق بس الstyle او شكل المسدس و فى مودلات كتير فمصر باليزر .
وانا مقدرش او صعب انى اجيب الاسعار بتاعت كل مسدس بالتفصيل بس الى انا عرفوا ان الاسعار بتكون ما بين 400 الى 1700 جنية .
وارجوا انى اكون اديت معلومات كويسة ولو مش كويسة يريت تقولوا.كاتب الموضوع مصطفى الصياد (egypthunt)