اقتباس:
المشاركة الأصلية كتبت بواسطة gamohunter
مجهود رائع فعلا ربنا يجزيك عنه كل خير
سوف اضع بعض المعلومات الطبيه عن لدغه الثعبان من واقع خبرتى فى حالات رايتها فى الفيوم
اولا بعض الناس بتتشك باى شىء فى الظلام وممكن تكون حته حطب او بوصه او اى شى وما بيبقوش عارفين ان كانت لدغه تعبان ولا لا
لدغه التعبان بتترك اثر النابين اللى بيعض بيهم بتلاقى مكان السنين وغالبا بيكون نزل منهم دم خفيف جدا يعنى اثار دم والمسافه بينهم صغيره حوالى تلاته اربع مللى
قد تمر اللدغه بسلام باخد المصل ولا يحدث شى وغالبا ده اللى بيحصل
اول اعراض الخطوره هى تورم مكان اللدغه ثم حدوث سقوط وارتخاء فى الجفن العلوى يعنى المريض يحاول يفتح عينه مايقدرش يفتحها كويس نتيجه شلل فى العضلات اللى بترفع الجفن العلوى
حدوث صعوبه فى البلع والتنفس
ثم توقف التنفس نظرا لحدوث شلل فى العضلات المسؤله عن التنفس مثل الحجاب الحاجز والعضلات مابين الضلوع
فى الحالات الخطيره بدايه من حدوث ورم مكان اللدغه وحدوث انسدال فى الجفن العلوى يعطى جرعه كبيره جدا من المصل عن طريق الوريد ودى حاله استثنائيه لان الامصال تعطى عضل غالبا قد يصل الى عشره او عشرين زجاجه مصل تعطى على جلوكوز بالوريد مع ملاحظه شديده لتنفس المرض وادكر احد الحالات توقف التنفس بعد حضوره للاستقبال بفتره صغيره ووضع على جهاز تنفس حوالى اربع ساعات واخد المصل بجرعه كبيره ثم عاد التنفس الطبيعى و عاش والحمد لله
انا حبيت اكتب المشاركه دى عشان الكل يعرف علامات الخطوره ربما صادف موقف فيه حد اتقرص يعرف ينصحه بسرعه
|
الموضوع هايل والاجمل منه المعلومات الجامدة دي