رد: الحل النهائى لمشكلة كسر قواعد مسامير الدبشك ( وثبات المسامير ايضا)
السلام عليكم ورحمة الله تعالي و بركاته
تسلم إيدك يا قبطان و لو تسمح لي أوضح برضه حل تاني لحل مشكلة فك المسامير.
في مادة إسمها رايت لوك "Right Lock" ودي موجوده عند الناس بتوع المواد الكيماويه و مواد البناء و محلات العدد و الأدوات زي اللي في شارع الجمهوريه في رمسيس. الماده دي متوفر منها نوعين مضمونين في الكفاءه حيث يمكن إستخدامهم بلا أي أضرار علي الأخشاب أو المعادن و ممتازه للإستخدام مع البنادق و الأسلحه بصفه عامه في نوع أمريكي لونه أحمر بيعمل حوالي 60 جنيه و نوع الماني لونه ازرق إنتاج شركة Wincken وده بيعمل حوالي 75 جنيه و النوع الالماني ده بالفعل اللي بيستخدم في أغلب المصانع عند ربط المسامير بالمصانع عند تقفيل الفابريقه. الماده دي لو فضلت تضرب بالبندقيه الديانا 100 سنه و الله المسمار ما هيتحرك من مكانه الا لما أنت تفكه و تتعافي عليه بإيدك. و أهم حاجه إنك بتدهن المسمار بيه و تربط عادي ولا في أي أثر لأي شئ.
الماده دي في منها أنواع كثيره حسب درجة التركيز بس أشهرهم و أكثرهم إستخدامآ:
1- تركيز ال 40 وده بيطلق عليه Soft وهو مناسب لربط الفيبر و البلاستك ... يعني لما يكون المسمار فيبر أو بلاستيك و بتربطه برضه في جسم فيبر أو بلاستيك.
2- تركيز ال 42 وده بيطلق عليه "Medium"و ده مناسب لما المسمار بيكون أي نوع من المعادن و بيتربط في جسم معدني أو خشبي.
3- تركيز ال 46 و ده بيطلق عليه "Strong" لما تربط بيه حاجه مش هتعرف تفكها الا لما تكسرها و ده بيبقي عامل زي الإيبوكسي.
عن تجربه النوع الثاني اللي هو تركيز ال 42 هو ممتاز مع البنادق و رائع لحل مشكلة فك المسامير و الدبشك يعني تربط مره و أنسي يا كبير.
لو فكرنا العبوه حجمها 50 ملي يعني تعمل بنادق كتيييييييررررررررررررر ب 75 جنيه يعني لو إتنين أو ثلاثه إشتركوا فيها ده لو مش عايزين نكلف الناس هتبقي التكلفه و لا حاجه علي كل حد فيهم بس هتبقي حاجه تمام التمام.
أسف للإطاله و لي الشرف إني أشارك في أحد مواضيع حضرتك
تقبل تحياتي
__________________
سبحان الله و بحمده سبحان الله العظيم [CENTER]
التعديل الأخير تم بواسطة Orabi ; 12-11-11 الساعة 06:50 PM
|