اقتباس:
المشاركة الأصلية كتبت بواسطة المستشار
فى اعتقادى انه يفضل ان يكون مشوار الزناد قصير وكانه ططش بالمس وهذا يرجه الى سرعه الضرب مع التوجيه لانه فى بعض الاوقات التى يكون فيها مشوار الزناد طويل ممكن يحدث حركه افقيه فى السلاح ويتهز فى الايد ولكن طالما صوبت واحكمت التصويب لازم تضرب ضربه سريعه وده بيجى بالتعود لانه فى بعض الاحيان بيطلق لفظ ان الزناد خطفنى فى المشوار القصير لكن مع التعود يبقى تمام ودى وجهه نظرى وتقبل مرورى
|
شكراااا سيادة المستشار على الرد والاهمام
وفعلا موضوع الخطف ده هو اللى حصل معايا
انا كان معايا الجيت مشوار الزناد طويل
ولما جبت الديانا مشوار الزناد كان قصير فكان بيخطفنى او يسرقنى
فقولت قبل ما اغيره اشوف ايه الافضل
بس انا افضل المشوار الطويل نسبيا
اقتباس:
المشاركة الأصلية كتبت بواسطة youssef
أنا طبعا مش خبير بس والله أنا أعتقد ان ضبط مشوار الزناد يعتمد على الرامى نفسه فيه واحد بيفضل عصر الزناد تدريجياً بالتزامن مع زيادة التركيز وفيه واحد تانى بيفضل مشوار الزناد قصير زى سيادة المستشار ما أوضح وفى النهايه علشان كده مشوار الزناد قابل للزيادة والنقصان (له ريجلاش) علشان يناسب الجميع.
تقبل مرورى
|
شكرا يا استاذ يوسف
وفعلا العملية تختلف من واحد لاخر
اقتباس:
المشاركة الأصلية كتبت بواسطة galal khalifa
صباح الفل يا هندسة انا عايز اوضح وجهة نظر عملية تطويل او تقصير مشوار الزناد لانة موضوع مهم جدا جدا .
اولا ::في صيادين بنحب يكون مشوار حساسية الضرب طويل علشان يكون عندة فترة تركيز اكبر قبل الطلقة ودا بيدي نوع من الثبات قبل خروج الطلقة ودا طبعا لة ميزات وعيوب واهم ميزاتة ان المشوار بيخليك تعرف وتتحكم في لحظة خروج الطلقة .
اما اهم عيوبة هو طول المشوار يجعل في بعض الاحيان الصياد يهتز لثواني مما يفقدة ( ثبات اطلاق العيار )
ثانيا : في صيادين من المؤيدن لنظرية قصر المشوار وذلك لحبهم في الاظلاق السريع مطبقين مبدأ سرعة الاطلاق وهذا ايضا لة مميزات و عيوب اهم مميزاتها هو الاداء السريع وهذا يستخدم في مجال الرماية لان فترة الثبات قبل الاطلاق يكون قصير لاعتماد المسابقات علي عدد من الطلقات في زمن محدد .
واهم عيوبها هي خروج العيار بدون تركيز في بعض الاحيان مما يؤدي الي تشتيت بؤرة النيشان للصياد
|
شييخ الصيادين جلال باشا
كون حضرتك لرديت على الموضوع يدل على مدى اهميته
وفعلا موضوع خروج الطلقة بدون تركيز حصل معايا فى البداية لانى مكنتش متعود عليها
وراى حضرتك ايه الافضل
بمعنى اى من الوضعين مميزاته تتغلب على عيوبه
وسؤال اخير
المسمارين اللى فى الديانا
ايهم لظبط المشوار
وايهم لتخفيف الزناد
وكل سنة وانت طيب
