رد: اماكن الصيد في الاسكندرية
بص يا باشا لو هتصتاد معاك ثلاثة حلول الاول انك تصطاد من جنب الصخور او علي لسان في البحر وهنا تحتاج فايبر عادي وغماز والطعم جمبري نطاط او برغوت او عجينة لو في بطاطا والصيد بالغماز احسن حاجة وامتعها للمبتدئين ودة ممكن في كزا حتة علي الكورنيش لسان المندرة او لسان ميامي او في المينا الشرقي عند السلسلة قدام مكتبة اسكندرية والحتة دي منبع البطاطا في اسكندرية
الحل التاني فايبر ومكنة و الطعم برضة جمبري نطاط او برغوت وتصطاد من اي حتة علي الكورنيش وخصوصا كوبري استانلي او المنتزة وممكن سيدي بشر او المندرة بس خد بالك حاول تقف جنب حد بصطاد بمكنة وشكلة خبير عشان متقعش في حتة فيها وعر ويروح منك الشعر
الحل التالت روح عند جيلاتي عزة الساعة 6 صباحا في مراكب بتاخد هواة الصيد وبتدخلهم جوا البحر تسقيط بالماكينة والطعم جمبري برضة بس خلي الحل التالت دة بعد ما تاخد شوية خبرة حلوين.
|