|
| الإعلانات |
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
 |
| أدوات الموضوع | إبحث في الموضوع | انواع عرض الموضوع |
12-12-09, 12:08 PM
|
#1 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
سمك-يمام-كروان-احمدك يااااااارب (فيديو وصور)
..............
سمك-يمام-كروان-احمدك يااااااااارب (فيديو) بسم الله الرحمن الرحيم السلام عليكم ورحمة الله طبعا الايام دى زى مانتو عارفين ايام غم وهم وخراب ودمار وناس بتموت من غير ذنب يعنى من الاخر ايام سوده  بسبب الاحداث الدايره فى البلد ربنا ينتقم من كل اللى عايز يولع فى البلد وبيثير الفتن فى كل مكان بين الناس ويااااااااااااارب يصلح حالنا جميعا المهم خلينا فى موضوعنا بقى عشان ادارة المنتدى مايزعلوش ويقولو بلاش كلام فى السياسه وممكن يعملولى بلوك من المنتدى   اللهم اجعل كلامنا خفيف عليهم  ههههههههههههههههههههه وطبعا عشان مليش نفس لشغل بسبب سدة النفس اللى انا فيها قلت اطلع طلعة صيد يمكن الواحد قلبه يستريح شويه ومكدبتش خبر اخدت العده الكرال ( كايداهم )  وعلبة رش ديابلو المانى وعملت ملقاف كده اى كلام على ماشترى عود جديد عشان العود بتاع الملقاف القديم اتكسر وطلعت على قريه فى مدينة النوباريه وكنت ناوى اصطاد يمام وفراخ ميه لكن مع الاسف ملقتش ولااااااااااااااااا فرخه وكانت المفجأه ان ربنا عوضنى بشوية سمك بلطى حلوين بالبندقيه برغم ان ده مش موسم صيد سمك بالبندقيه لكن فرصه ولقيت الميه كانت قليله جدا فى الترعه دى والهوا كان شديد جدا برده لكن سبحان الله يرزق من يشاء بغير حساب وفضلت حوالى اربع ساعات شغال سمك على يمام على بلشون على غربان واثناء مرورى على احد اشجار الجزورين الضخمه وارتفاعها حوالى 25 متر لمحت حاجه ضخمه واقفه فوووووووووووق خالص افتكرتها وزه عراقى قمت معمر وضاربها فى الصدر اسفل الرقبه لقيتها فردت اجنحتها وبقت حاجه كبيره اوى و عملت صوت مكتوم وقعدت ترفرف وتخبط فى الفروع بطريقه هيستيريه انا حسيت انها هاتوقع الشجره عليا من قوتها وكانت الصدمه انها اتعلقت فوق وماتت وموقعتش بقيت هاتجنن  ضربت عليها طلقتين تانى عشان تنزل ومنزلتش قعدت افكر واقول هاتعمل ايه ياواد هاتعمل ايه ياواد وجتلى فكره مجنونه قلت انا هاطلعلها فوق عالشجره واللى يحصل يحصل بقى اه والله هههههههههههههههههه اصلها حجمها كبير اوى ومغريه ومستحيل اسيبها  وقمت راكن الملقاف على الشجره ( طوله 8 متر ) وقمت مجازف ومتشعبط وطالع عالشجره زى القرود ولما وصلت نص الشجره كده رفعت الملقاف ووقفته على فرع فى نص الشجره وكملت طلوع لغاية اول التلت الاخير من الشجره وبالملقاف وقمت موقعها نزلت على الارض وعملت صوت ارتطام كأنى رميت ديك رومى من فوق و بعد مانا كمان نزلت من عالشجره باعجوبه عرفت انها مش وزه عراقى اول ماشفتها ووقفت عند بيت ناس كده وفردتها على البلاط واخدت مقاساتها لقيت عرضها وهى مفروده حوالى 85 سنتى ووزنها مابين الــ 800 الى 1000 جرام يعنى حوالى كيلو وجبت صورها عالمنتدى هنا اسأل على نوعها وفيه ناس قالت انها كروان وناس قالت انها بلشون لكن سواء كروان او بلشون الاتنين بيتاكلو المهم اخدتها وكملت صيد وبعد مسافه كبيره كده لقيت شجرة جزورين تانى وواقف عليها اربعه من نفس الطائر اللى ضربته ضربت منهم واحد فى الصدر اخد الطلقه واتصاب وعمل صوت مكتوم زى صوت البطه كده وفضل واقف وماسك نفسه قمت مديله كمان طلقه راح نازل ومسلم نفسه ليا والتلاته التانيين طبعا كانو طارو وقابلت بعدها غربان كتير ضربت منهم اتنين وكانو بينزلو مقفولين وكالعاده لازم يحصل معايا موقف فى كل طلعه وقابلنى مجموعه كبيره من الكلاب  لكن الحمد لله عرفت اتعامل معاهم وفى نهاية الطلعه كانت الحصيله كالاتى ربنا كرم بــ 7 يمام 2 بلشون او كروان 2 غراب 24 سمكةبلطى حوالى 2.5 كيلو وتم تصوير فيديو لبعض الضربات وده فيديو لبعض الضربات وطبعا مش كل الضربات متصوره لأن الحجاره بتاعة الكاميرا بتخلص بسرعه مش عارف ليه مع انتى باحطلها حجاره نضيفه( انيرجايزر ) بـ 6 جنيه والفيديو فيه كام ضربه كده لقنص الاسماك بالبندقيه يارب يعجبكو ااااااااااادى الفيدو http://www.youtube.com/watch?v=fRvBK...ature=youtu.be وااااااااااادى الصور يمام   سمك   كروان او بلشون    غربان  واسف على الاطاله والسلام عليكم ورحمة الله وبركاته
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
12-12-09, 12:14 PM
|
#2 |
|
صياد قديم
تاريخ التسجيل: Sep 2012
المشاركات: 1,071
معدل تقييم المستوى: 28 |
رد: سمك-يمام-كروان-احمدك يااااااارب (فيديو وصور)
كروان ياباشا وارسلت صورتة المهم اتاكل والف هنا السمك واليمام
|
|
|
|
|
12-12-09, 01:55 PM
|
#3 |
|
صياد نشيط
تاريخ التسجيل: Sep 2012
المدينه: Alex,AgamY
المشاركات: 273
معدل تقييم المستوى: 7 |
رد: سمك-يمام-كروان-احمدك يااااااارب (فيديو وصور)
انت ماحرمتش من الكلاب هعهعهعههع كانو محاصرينك هاجي اساعدك قريب ان شاء الله
|
|
|
|
|
12-12-09, 03:00 PM
|
#4 |
|
ادمن صفحة المنتدى
تاريخ التسجيل: Nov 2011
المدينه: الزقازيق
المشاركات: 1,422
معدل تقييم المستوى: 30  |
رد: سمك-يمام-كروان-احمدك يااااااارب (فيديو وصور)
بالتوفيييق يا قبطان على فكرة انا كاتب الكومنت قبل ماشوف الموضوع ولا مين اللى عامله يارب يكون ظنى فمحله ههههههههههه
|
|
|
|
|
12-12-09, 03:08 PM
|
#5 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
هههههههههههههههههه تسلم
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-09, 03:09 PM
|
#6 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
غير بتوع المره اللى فاتت ههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-09, 03:09 PM
|
#7 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
ويارب الموضوع يعجبك بعد ماتشوفه هههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-09, 05:13 PM
|
#8 |
|
مشرف قسم الصيد البرى
تاريخ التسجيل: Aug 2012
المدينه: بورسعيد
المشاركات: 999
معدل تقييم المستوى: 96 |
رد: سمك-يمام-كروان-احمدك يااااااارب (فيديو وصور)
الله ينور يا قبطان
__________________
لئن فغر الخطر فاه ، فأدخل رأسك فيه .. لئن غزا الخطر قلبك ، فأغز قلبه .. لئن جرى الخطر ، خلفك فلتتوقف .. انتظره .. |
|
|
|
|
12-12-09, 05:34 PM
|
#9 |
|
عضو مميز جداً
تاريخ التسجيل: Dec 2011
المدينه: الاسكندرية
المشاركات: 2,884
معدل تقييم المستوى: 333 |
رد: سمك-يمام-كروان-احمدك يااااااارب (فيديو وصور)
والله ياريس الواحد لما بيكون متضايق شوية ويدخل المنتدى ويلاقى موضوع ليك
بيبقى متأكد أنه أكيد هيفك ويفرفش شوية من اسلوب حضرتك الرائع فى الإلقاء ودايما يارب مواضيعك متميزة كدة ومنورة المنتدى تقبل خالص تحياااااااااااااتي
__________________
|
|
|
|
|
12-12-09, 05:54 PM
|
#10 |
|
صياد نشيط
تاريخ التسجيل: Apr 2012
المشاركات: 469
معدل تقييم المستوى: 42 |
رد: سمك-يمام-كروان-احمدك يااااااارب (فيديو وصور)
الله ينور يا باشا
وبالنسبة للحجارة هات حجارة شحن ويبقي معاك استبن تقدر تغيره لما تخلص وهتوفر معاك كتييييييييير جدا جدا لاني كنت مجرب وهتدعيلي لما تجيب حجارة شحن وتوفر معاك |
|
|
|
|
12-12-09, 08:23 PM
|
#11 |
|
صياد قديم
تاريخ التسجيل: Jun 2012
المدينه: القاهرة
المشاركات: 2,645
معدل تقييم المستوى: 419 |
رد: سمك-يمام-كروان-احمدك يااااااارب (فيديو وصور)
تسلم ايدك يا قبطان العنوان عجبنى جدااااااااا بالف هنا وشفا وبيعجبنى انك بتحاول تغير مودك وان شاء الله بكره احلى
__________________
وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)». |
|
|
|
|
12-12-10, 03:03 AM
|
#12 |
|
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: سمك-يمام-كروان-احمدك يااااااارب (فيديو وصور)
الله عليك يا قبطان دايما قناص من يومك
|
|
|
|
|
12-12-10, 10:10 AM
|
#13 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 10:11 AM
|
#14 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
هههههههههههههههههههههه ربنا يخليك ياكبير والله ده شرف ليا اتمنى دايما تكون بخير
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 10:13 AM
|
#15 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
بس ياترى هو فيه حجاره شحن صغيره؟ اصل انا اعرف ان الحجاره الشحن دى فيه منها كبير بس ( حجاره طرشه ) لكن عالعموم هاسأل واشوف مشكور يابرنس اوى
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 10:16 AM
|
#16 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
ربنا يفك عنا جميعا ويسترها عالبلد ان شاء الله تحياتى ياغالى
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 10:16 AM
|
#17 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
صباحك مزقطط ياكبير
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 10:50 AM
|
#18 |
|
الاداره تحذر التعامل مع هذا العضو فى البيع والشراء
تاريخ التسجيل: Feb 2010
المدينه: Philippines
المشاركات: 3,960
معدل تقييم المستوى: 253   |
رد: سمك-يمام-كروان-احمدك يااااااارب (فيديو وصور)
الله ينور يا قبطان
__________________
drugstore-onlinecatalog.com |
|
|
|
|
12-12-10, 12:58 PM
|
#19 |
|
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 561 |
رد: سمك-يمام-كروان-احمدك يااااااارب (فيديو وصور)
مميز كالمعتاد و أحلي تقييم +14
تقبل تحياتي
__________________
سبحان الله و بحمده سبحان الله العظيم [CENTER]
|
|
|
|
|
12-12-10, 01:00 PM
|
#20 | |
|
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 561 |
رد: سمك-يمام-كروان-احمدك يااااااارب (فيديو وصور)
اقتباس:
وعمنا الكبير هوجان كمان +14 تحياتي يا باشا و صاحبي تاعبك معاه
__________________
سبحان الله و بحمده سبحان الله العظيم [CENTER]
|
|
|
|
|
|
12-12-10, 01:09 PM
|
#21 |
|
صياد متفاعل
تاريخ التسجيل: Sep 2012
المدينه: قاهرة المعز home of wiz
المشاركات: 224
معدل تقييم المستوى: 9 |
رد: سمك-يمام-كروان-احمدك يااااااارب (فيديو وصور)
على فكرة لو حطيت في بالك تعمل مسلسل عن طلعاتك للصيد هيبقى حاجة جامدة
كل موضوع هنا بحلقة في حدود 10 دقايق، الجمهور يتفرج ينبسط وتكسب ملايين يا معلم هههههههههه وخلي الحبكة الدرامية عليا  أهنيك ع المهارة المثيرة للإعجاب، وانا كان نفسي أشوف فيديو لصيد السمك بالذات فأشكرك ع الإضافة دي ويا ريت لو تقول لنا انت عامل العمود بتاع الملقاف من إيه؟ تحياتي يا بايريت يا كبير  |
|
|
|
|
12-12-10, 02:47 PM
|
#22 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 02:48 PM
|
#23 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
والف الف شكر على التقييم اللى بمليون تقييم
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-10, 02:52 PM
|
#24 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
طيب ايدى على كتفك بقى وشوفلنا منتج للمسلسلات دى ياكبير ههههههههههههههه بالنسبه للملقاف انا الاول كنت عامل واحد ببوصه صيد بتاعة بحر وكان طوله 5 متر لكن اتكسر من فتره كده المره دى جبت ماسوره بتاعة ستاره من عند بتوع الستاير بــ 20 جنيه وطولها 6 متر جبت ماسوره ونص يعنى 9 متر قصيت منها 1 متر وخليتها 8 وركبت فيها الملقاف
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-26, 07:39 PM
|
#25 |
|
صياد قديم
تاريخ التسجيل: Jan 2012
المشاركات: 1,270
معدل تقييم المستوى: 91 |
رد: سمك-يمام-كروان-احمدك يااااااارب (فيديو وصور)
موضوع اكتر ن رائع
__________________
ان خانتك قيم المبادئ فاحرص ان لا تخونك قيم الرجوله عايش في اكبر سجن بس من جوايا حر مهما راحت روح الفكره مش هتموت الحريه مش كلام الحرية طلعت اوهام  كيرو
|
|
|
|
|
12-12-27, 10:02 PM
|
#26 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-28, 01:17 AM
|
#27 |
|
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 216 |
رد: سمك-يمام-كروان-احمدك يااااااارب (فيديو وصور)
يا قبطان ......طلع كروان والا بلشون؟ انت طبختة والا اية؟
|
|
|
|
|
12-12-28, 04:04 PM
|
#28 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
وقد تم افتراسه واكله بالكامل ههههههههههههههههههه بس مش انا اللى اكلته يعنى ده واحد معرفه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-29, 01:05 AM
|
#29 |
|
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 216 |
رد: سمك-يمام-كروان-احمدك يااااااارب (فيديو وصور)
بالهنا والشفا ...بلشون بلشون هو المصرى الاصيل بيعتق حاجة_هههههههههههههه
|
|
|
|
|
12-12-29, 11:00 AM
|
#30 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
على رايك ياكبير مفيش حاجه بتقف قدامنا ياباشا
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
12-12-29, 02:10 PM
|
#31 |
|
صياد قديم
تاريخ التسجيل: Sep 2012
المشاركات: 1,071
معدل تقييم المستوى: 28 |
رد: سمك-يمام-كروان-احمدك يااااااارب (فيديو وصور)
مواضيعك الواحد بيحبها فعلا
|
|
|
|
|
12-12-30, 11:25 AM
|
#32 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-01-02, 01:10 PM
|
#33 |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: سمك-يمام-كروان-احمدك يااااااارب (فيديو وصور)
الله ينور يا حاج هانى وبالتوفيقدايما وخلى بالك من الديابة يا معلم شكلك بتطلع حتت مقطوعة
|
|
|
|
|
13-01-02, 03:57 PM
|
#34 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
ههههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-02-02, 08:25 AM
|
#35 |
|
صياد متفاعل
تاريخ التسجيل: Feb 2013
المدينه: القاهرة-مدينة نصر
المشاركات: 83
معدل تقييم المستوى: 10 |
رد: سمك-يمام-كروان-احمدك يااااااارب (فيديو وصور)
بالهنا و الشفا يا قبطان .. و بالتوفيق دايما كدة .. وربنا يمتعك زي ما انت دايما كدة ممتعنا بمواضيعك و فديوهاتك
انما سؤال هو انت بتصطاد الغربان بتعمل بيها اية؟ |
|
|
|
|
13-02-02, 01:23 PM
|
#36 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
مشكور على المرور اولا وثانيا الغراب الابقع ده مصرح بقتله شرعا لأنو مؤذى وثانيا الفلاحين بيفرحو اوى لما بتضرب غراب وبيجرو عليك عشان ياخدوه يعلقوه فى الاراضى الزراعيه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-02-04, 12:15 AM
|
#37 |
|
صياد متفاعل
تاريخ التسجيل: Feb 2012
المدينه: بني سويف
المشاركات: 196
معدل تقييم المستوى: 39 |
رد: سمك-يمام-كروان-احمدك يااااااارب (فيديو وصور)
هاني حبيب قلبي مساء الجمال ..ارحم نفسك بقه انا عامل عليك مش عاوز اقر عليك بجد انت ما تعرفنيش انا بجيب من الاخر هههههههههههههه بس تصدق الوحيده اللي مش عارف انق عليها هيا كيداهم دي هههههه ... تسلم يا قناص والله دايما بتمتعنا وبعدين بلاش تصيد كروان تاني دا صوته اجمل من طعمة مع ان بيني وبينك الواحد لما بيجوع مابيعرف اخوه يبقى هيعرق الكروااااان هههههههههههههههه ...تسلم ياجنرال تحياتي لسمو معالي فخامة وجاهة جناب دولة حضرتكم هههههههههه.. اي خدمة.
__________________
اللهم صلي وسلم على سيدنا ونبينا محمد والله يا رسول الله إنك أحب الي من نفسي وأهلى ومالي وولدي والناس أجمعين
|
|
|
|
|
13-02-04, 01:15 AM
|
#38 |
|
صياد متقدم
تاريخ التسجيل: Oct 2012
المدينه: بورســعيد
المشاركات: 652
معدل تقييم المستوى: 23 |
رد: سمك-يمام-كروان-احمدك يااااااارب (فيديو وصور)
موضووووووووووووع جميع ومميز في الطرح والصور حلوة يعني من الاخر تستاهل ( تقيم )
اما الكلاب ربنا يكون في عونك هههههههههههههه
__________________
فشكلني حبك ياروح الروح **سبحان الله وبحمدة :: سبحان الله العظيم** |
|
|
|
|
13-02-04, 12:56 PM
|
#39 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
انت اتجوزت من ورانا ولا ايه ههههههههههههههههههه وبعدين قر ونق ياعم زى مانت عاوز احنا مش بنخاف طول ماحنا بنقرى اية الكرسى يبقى انسى يامعلم هههههههههههههههه وهو طلع مش كروان ده طلع بلشون يامعنمى بلشون مشكور ياكبير على كلامك الجميل
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-02-04, 12:57 PM
|
#40 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
مش عارف اشكرك على التقييم ولا اشكرك على كلامك الحلو ده ربنا يخليك يابرنس والحمد لله زنقة الكلاب عدت على خير ههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-02-04, 01:01 PM
|
#41 |
|
صياد نشيط
تاريخ التسجيل: Mar 2012
المدينه: القاهره..مدينه نصر
المشاركات: 476
معدل تقييم المستوى: 47 |
رد: سمك-يمام-كروان-احمدك يااااااارب (فيديو وصور)
ايووووووووووووووووووووه يا قبطان يامولع الدنيا وبتضرب بسكوب بقي ولا عادي :P ما تشوفلنا حاجه نتواصل عليها ياقبطان بدل الفيس الي قفلته :p
__________________
لا الـــــــــــــــه الا انــــــــــت ســـــــــبحانـــك انــــــي كــــنت من الظالـمين الــــــي هيقيمني هـا... والـــــي مش هيقيمني هـا...
|
|
|
|
|
13-02-04, 05:48 PM
|
#42 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: سمك-يمام-كروان-احمدك يااااااارب (فيديو وصور)
اقتباس:
والله بينى وبينك انا مش من عشاق الاسكوب ومن يوم مااشتريته من حوالى 8 شهور مخرجتش بيه لصيد غير مرتين تلاته واتفضل ياباشا ده ايميلى اهو للتواصل لو تحب man_or_love@live.com
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-02-04, 07:36 PM
|
#43 | |
|
صياد متفاعل
تاريخ التسجيل: Feb 2012
المدينه: بني سويف
المشاركات: 196
معدل تقييم المستوى: 39 |
رد: سمك-يمام-كروان-احمدك يااااااارب (فيديو وصور)
اقتباس:
مساااااااء الفل يا ريس معلش انا عارف اني مقصر بس والله غصب عني الشغل بقه ... وبعدين اتجوز من غير ما اعزمك ههههههههههه .. انا عملتها من 8 سنين خلاص ومعايا يوسف وبسملة عقبال عندك كده يا ريس .. وبعدين ايه الكرسي بتتقري علشان الشياطين يا هاني هااا قصدك ايه يعني هاااا قول .... هههههههههههه بهزر معاك طبعا بس دا برضووو م يمنعش انك تقراها ههههههه ..... تحياتي لك يا جنرال.
__________________
اللهم صلي وسلم على سيدنا ونبينا محمد والله يا رسول الله إنك أحب الي من نفسي وأهلى ومالي وولدي والناس أجمعين
|
|
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حصريا: وعندنا بس نتائج وصور و فيديو مسابقة الرمايه الثانيه للمنتدي لعام 2012 | Orabi | مسابقات الرماية | 63 | 15-06-12 01:54 AM |
| باركولى على الكاميرا الجديده وصور حصريه | za2r2lel | الموضوعات العامه | 9 | 12-02-18 11:47 PM |
| يمام , دجاج ماء احمدك يا رب | hazem1 | صور وفيديو الصيد ورحلاته | 7 | 11-10-16 10:09 PM |
| أة يا مصر أة .. فيديو رهيب يبكى الحجر اهديه الى جمال مبارك | elexlns1 | الموضوعات العامه | 1 | 11-08-25 12:36 AM |
| في بلكونه منزلي 3 صقور او نسور | bahrawy21 | الصيد بالصقور | 24 | 11-06-21 04:45 PM |
العرض العادي
