دعوة لتقييم و تسعير بنادق ضغط الهواء المستعملة

[hatem hagag]

السلام عليكم حميع الأخوة فى هذا المنتدى.
تابعت على فترات غير منتظمة كل من المعروض و المشاركات المختلفة. و لاحظت إختلاف وجهات النظر بعضها عملى و البعض الأخر تجارى و كثير منها عاطفى. لذلك أدعو كل من القائمين على المنتدى بمختلف إختصاصهم و الأخوة الخبراء والصيادين المحترفين و التجار بوضع معايير تقييم لتكون فى النهاية جداول سعرية إسترشادية للمتداول من الماركات فى السوق المصرى. ولتكن مثلا
1- متوسط سعر البيع لمثيلتها الجديدة.
2-ثبات أسعار العملات المتداولة فى الأستيراد.
3-السماح بلأستيراد و توافر السلعة الجديدة.
4-مدى الأقبال على هذة السلعة كجديدة وبالتالى مستعملة.
5-توافر قطع الغيار و أسعارها وتكلفة صيانة هذا النوع.
6-حالة البندقية المراد عرضها للبيع.........إلخ............
ويتم عمل جداول يتم تحديثها دوريا او إذا جدت عوامل أخرى.
اعتقد أنها ستفيدنا جميعا بائع أو مشترى او مشارك أو مشاهد وتتجنب أى نوع من سوء الفهم أو ................................
دعوة لكل من يستطيع ان يشارك
جزاكم اللة خيرا
والسلام عليكم و رحمة اللة و بركاتة.

[adel152]

المشاركة الأصلية كتبت بواسطة hatem hagag

السلام عليكم حميع الأخوة فى هذا المنتدى.
تابعت على فترات غير منتظمة كل من المعروض و المشاركات المختلفة. و لاحظت إختلاف وجهات النظر بعضها عملى و البعض الأخر تجارى و كثير منها عاطفى. لذلك أدعو كل من القائمين على المنتدى بمختلف إختصاصهم و الأخوة الخبراء والصيادين المحترفين و التجار بوضع معايير تقييم لتكون فى النهاية جداول سعرية إسترشادية للمتداول من الماركات فى السوق المصرى. ولتكن مثلا
1- متوسط سعر البيع لمثيلتها الجديدة.
2-ثبات أسعار العملات المتداولة فى الأستيراد.
3-السماح بلأستيراد و توافر السلعة الجديدة.
4-مدى الأقبال على هذة السلعة كجديدة وبالتالى مستعملة.
5-توافر قطع الغيار و أسعارها وتكلفة صيانة هذا النوع.
6-حالة البندقية المراد عرضها للبيع.........إلخ............
ويتم عمل جداول يتم تحديثها دوريا او إذا جدت عوامل أخرى.
اعتقد أنها ستفيدنا جميعا بائع أو مشترى او مشارك أو مشاهد وتتجنب أى نوع من سوء الفهم أو ................................
دعوة لكل من يستطيع ان يشارك
جزاكم اللة خيرا
والسلام عليكم و رحمة اللة و بركاتة.

د. حاتم صباح الفل على حضرتك.
طبعا انا ليا الشرف أنى اكون اول واحد يرد على موضوع حضرتك وأتمنى من الادارة تثبيت هذا الموضوع ليكون مرجع لأسعار البنادق الهوائية عموما.
من المؤكد أن هيكون فى بعض الاختلاف فى وجهات النظر فيما يخص سعر كل بندقية على حده.
ولذلك رأيت أن يكون هناك طريقة أفضل لتحديد الاسعار للبنادق الجديدة والمستعملة من خلال مراجعة الاسعار عالميا ومقارنتها بأسعارنا (مع الفارق فى الاسعار طبعا.).
أنا بقالى مدة بأراقب الاسعار مثلا فى بريطانيا مقارنة بالاسعار فى مصر وقد وصلت تقريبا بطريقى النسبة والتناسب الى الاتى:
اسعار البنادق الجديدة فى مصر = تقريبا سعر البنادق الجديدة فى بريطانيا مرتين.
أسعار البنادق المستعملة فى مصر = تقريبا سعر البنادق المستعملة فى بريطانيا مرة ونصف مرتين لو بحالة شاذة.
مثال لهذا نشوف البندقية البى اس تاكتيكل اكس ال سعرها فى هذا الربط 5300 جنيه مصرى.
http://www.egyhunt.net/showthread.php?t=38243
نشوف بقى سعرها جديد فى بريطانيا كام؟ شوف الرابط ده
http://www.solware.co.uk/air-pistol-...Tactical.shtml
هنلاقى أن البندقية سعرها 335 جنيه استرلينى..... لحظة من فضلك لأن السعر ده يشمل سعر تليسكوب 3-9*50 وده سعره حوالى 55 جنيه استرلينى تقريبا. لو خصمنا سعر التليسكوب يبقى البندقية سعرها تقريبا 280 جنيه استرلينى أى ما يعادل 2800 جنيه مصرى تقريبا.
نرجع بقى لنظريتى أن السعر فى مصر ضعف السعر فى بريطانيا يبقى البندقية تساوى فى مصر حوالى 5600 (مش بعيد من السعر المعلن فى العرض).
كذلك التليسكوب 55 جنيه استرلينى يساوى 550 جنيه مصرى تقريبا يبقى التليسكوب المفروض يكون سعره حوالى 1100 جنيه عندنا.
نفس الشئ لو قارنا مثلا الجامو CSi هنلاقى سعرها فى نفس العرض 3700 جنيه مصرى.
نشوف كده الرابط ده
http://www.solware.co.uk/air-pistol-...mo-rifle.shtml
هنلاقى سعرها تقريبا 170 جنيه استرلينى أى ما يعادل 1700 جنيه مصرى.
لو ضاعفنا السعر هيكون 3400 جنيه مرة أخرى (مش بعيد من السعر المعلن فى العرض).

نيجى بقى لموضوع المستعمل وأنا شايف أن احنا عندنا مشكلة كبيرة فى اسعار المستعمل لسبب بسيط جدا أن كل واحد فينا وهو بيبع عايز أعلى سعر ممكن ولما بيشترى عايز أقل سعر ممكن بدون النظر الى حالة السوق او مقارنة الاسعار فى ال3 سنين الاخيرة.
نشوف كده برضه امثله للمستعمل فى الخارج ونحاول نقارنها بأسعرنا على نفس النمط لأسعار الجديد. شوف الرابط ده
http://www.gunstar.co.uk/Air-Rifles/...-gs101270.aspx
دى بندقية جامو سى اف اكس رويال بحالة ممتازة ومعها تليسكوب 3-9*40 وجراب مطلوب فيها 160 جنيه استرلينى يساوى حوالى 1600 جنيه مصرى لو ضاعفنا المبلغ يبقى البندقية بمشتملاتها تساوى 3200 جنيه مصرى (مع العلم البندقية لم تباع بهذا السعر حتى الان).
نشوف دى كمان
http://www.gunstar.co.uk/Air-Rifles/...-gs124265.aspx
دى بندقية جامو شادو 1000 سعرها 125 جنيه استرلينى ومعها تليسكوب Hawke Sport HD 4x32 AO هذه البندقية ضربت أقل من 400 رشة. لو حسبناها نلاقى ان سعرها حوالى 1250 جنيه مصرى لو ضاعفنا السعر بلاقيها تساوى هنا 2500 جنيه مصرى (مع العلم البندقية لم تباع بهذا السعر حتى الان).

نشوف بقى أسعار هتهم حضرتك شخصيا يادكتور فى هذه الروابط
http://www.gunstar.co.uk/Air-Rifles/...e-gs88962.aspx
http://www.gunstar.co.uk/Air-Rifles/...-gs109489.aspx
http://www.gunstar.co.uk/Air-Rifles/...-gs113778.aspx
http://www.gunstar.co.uk/Air-Rifles/...-gs121719.aspx

دى وجهة نظرى الشخصية فيما يخص الاسعار فى مصر قد أكون على صواب أو على خطأ وقد يتفق معى البعض ويختلف البعض الاخر ولكنى فى النهاية وضعت وجهة نظرى بكل شفافية للجميع.
خالص تحياتى للجميع.

[hatem hagag]

صباح معطر بكل ورود الدنيا عادل باشا.
ملاحظات حضرتك العملية و المدعمة بروابط عالمية تثرى الموضوع وهى مشاركة بنأة وفعالة و يشرفنى دائما أن تشاركنى بفيض معلوماتك والتى تضىء للجميع نور من المعرفة وارجو أن تثير حماسة الأخوة الأعضاء لمدنا بمزيد من النور و المعرفة حيث هدفنا الوحيد هو صالح الجميع.
ولنضع نقاط حضرتك ضمن نقاط التقييم.
بل و أدعو من هو من الأعضاء و عالم بقوانين الأستيراد والقانونيين و التجار الحترمين ورجال الأعمال إلى إنشاء رابطة أو جمعية لهواة الصيد والنعاون جميعا لإستيراد بنادق صيد لأعضاء هذة الرابطة تراعى فيها كل النقاط التى تمت مشاركتها حتى الأن لتوفير بضاعة جيدة بهامش ربح معقول وتكون لهذة الجماعة لجان فنية يتقدم لها من بريد بيع بندقيتة إليها ليتم تقييمها و بيعها من خلال الجماعة وبضمانها.........و كثير من الأنشطة و الفكار اتنمية و تشجيع هذة الرياضة لمختلف الفئات.
شكرا للجميع

[adel152]

المشاركة الأصلية كتبت بواسطة hatem hagag

صباح معطر بكل ورود الدنيا عادل باشا.
ملاحظات حضرتك العملية و المدعمة بروابط عالمية تثرى الموضوع وهى مشاركة بنأة وفعالة و يشرفنى دائما أن تشاركنى بفيض معلوماتك والتى تضىء للجميع نور من المعرفة وارجو أن تثير حماسة الأخوة الأعضاء لمدنا بمزيد من النور و المعرفة حيث هدفنا الوحيد هو صالح الجميع.
ولنضع نقاط حضرتك ضمن نقاط التقييم.
بل و أدعو من هو من الأعضاء و عالم بقوانين الأستيراد والقانونيين و التجار الحترمين ورجال الأعمال إلى إنشاء رابطة أو جمعية لهواة الصيد والنعاون جميعا لإستيراد بنادق صيد لأعضاء هذة الرابطة تراعى فيها كل النقاط التى تمت مشاركتها حتى الأن لتوفير بضاعة جيدة بهامش ربح معقول وتكون لهذة الجماعة لجان فنية يتقدم لها من بريد بيع بندقيتة إليها ليتم تقييمها و بيعها من خلال الجماعة وبضمانها.........و كثير من الأنشطة و الفكار اتنمية و تشجيع هذة الرياضة لمختلف الفئات.
شكرا للجميع

ياباشا شكرا على كلام حضرتك المحترم.
بالنسبة للجزء الثانى بخصوص الاستيراد الموضوع ده تحقيقة فى غاية الصعوبة خاصة فى حالة الوضع الامنى الحالى وده من اسباب ارتفاع الاسعار فى مصر.
ربنا يهدى الحال والحكومة فى مصر تبتدى تتفتح عقليتها ويكون فى تسهيل فى هذا الموضوع.
خالص تحياتى يافندم.

[Angel]

تم التثبيت ..!

مع العلم ان ادارة المنتدى لن تتدخل باى شكل مهما كان فى تسعير سلعة سواء بابداء راي او رفض فمن حق العضو طلب السعر المناسب لسلعتة حسب تقديرة الشخصى او عضو او مشرف يقوم بتسعير او اعتراض على سعر فهو رائ شخصى و ادارة المنتدى غير مسئولة !!

[hatem hagag]

السلام عليكم ورحمة اللة.
شاكر لحضرتك كل الجهد المبزول لتوضيح سياستكم فى النشر وهو واضح ومشكور ويدل على مدى حرصكم على الألتزام والحرص على جودة هذة الخدمة ممايزيدنا تقديرا لأدواركم جميعا وفقكم اللة لمزيد من النجاح. وأؤكد اننى قصدت على أن تكون تلك الجداول الأسترشادية المقترحة ببعض بنودها القابلة للتعديل والأضافة والحذف حسب الضرورة ستدعم جليل خدمات المنتدىبشكل عام وقسم السوق بشكل خاص. وفقكم اللة لمزيد من النجاح
والسلام عليكم ورحمة اللة وبركاتة.

[adel152]

المشاركة الأصلية كتبت بواسطة angel

تم التثبيت ..!

مع العلم ان ادارة المنتدى لن تتدخل باى شكل مهما كان فى تسعير سلعة سواء بابداء راي او رفض فمن حق العضو طلب السعر المناسب لسلعتة حسب تقديرة الشخصى او عضو او مشرف يقوم بتسعير او اعتراض على سعر فهو رائ شخصى و ادارة المنتدى غير مسئولة !!

تمام كده ياهاشم باشا وياريت يكون فيه تنبيه على جميع الاعضاء بعدم وضع أى روابط لأى سلعة معروضة للبيع فى المنتدى لتقييم سعرها من خلال هذا الموضوع.
تحياتى

[dr mido dentist]

انا شوفت الكرال 119 الى 129 جنيه استرلينى يعنى سعرها فى مصر زى انجلترا تقريبا صح ؟!!!!!!!!!
و اشمعنى الكرال ؟!!!!!!

[adel152]

المشاركة الأصلية كتبت بواسطة dr mido dentist

انا شوفت الكرال 119 الى 129 جنيه استرلينى يعنى سعرها فى مصر زى انجلترا تقريبا صح ؟!!!!!!!!!
و اشمعنى الكرال ؟!!!!!!

فعلا يادكتور انا لاحظت الموضوع ده واستغربت جدا ومش لاقى غير تفسير واحد ان تركيا بتدرس السوق كويس قبل تحديد سعر سلعتها للدول الخارجية.