ابناء مبارك يشتبكون مع حملة كاذبون

[kiko_2015]

طارد أنصار الرئيس المخلوع، محمد حسنى مبارك، النشطاء السياسيين التابعين لحملة ''كاذبون'' وحركة شباب 6 إبريل مساء الثلاثاء ، بعد خروجهم فى مسيرة حتى شارع جامعة الدول بالمهندسين بعد مرورهم على شارع سليمان أباظة.

والقى أنصار مبارك الحجارة والزجاجات الفارغة على المسيرة؛ ما تسبب فى إصابة أحد شباب حركة 6 إبريل يدعى '' أحمد''.

هذا ولم تمنع الاشتباكات استمرار المسيرة إلى شارع جامعة الدول العربية، والتى ردد المشاركون فيها ''يا أهالينا يا أهالينا الحرية ليكو ولينا''، ''الشعب يريد إعدام المخلوع''.

ووصلت قوات الشرطة لموقع الاشتباكات، وتجمع حولها عدد من أنصار الرئيس المخلوع وهتفوا "الشرطة والجيش
والشعب إيد واحدة".

وقال مصدر أمني بمديرية أمن الجيزة، إنهم لم يتلقوا بلاغات عن الواقعة.

يشار الى أن حملة ''كاذبون'' تهدف الى ما تقول انه ''فضح لممارسات المجلس العسكري في استخدام العنف والسحل ضدالمتظاهرين في أحداث القصر العيني ومجلس الوزراء'' فضلا عن المطالبة بتسليم السلطة الى المدنيين في أقرب وقت ممكن لحكومة منتخبة.

[H_SRM]

kiko_2015 اخي الفاضل مستني ايه من شوية كلاب؟

مش قادر استوعب فيه ناس كدة بيحبوا واحد قتل وافسد وبهدل الله يحشرهم معاه باذن الله

والمجلس اللي بيدور على حصااااااااانة وواضح انه المرة دي زء الاخوان عشان يدوروله على حصانة كخروج مشرف نقولهم هتتحاسبوا حساب عسير والله باذن الله وهتتحاكموا عسكرياً والشعب مستعد للشهادة بالملايين بس مش هنساوم على دم الناس اللي ماتت علشانا وعنيها راحت بسببنا لاننا وقتها هنبقى اقل من الكلاب واحنا باذن الله أسود ودراعنا مفرود مش بيتلوي

[kiko_2015]

الواحد بيستعجب والله...حصانه ايه اللي بيدوروا عليها..عايزين يقتلوا القتيل و يدوروا علي حصانه بدعم من الاخوان..طب الاخوان بيعملوا كده ليه مع ان اصدقائي من شباب الاخوان ناس كويسه و محترمه و ميرضوش بالكلام ده..

المجلس عايز يسيب السلطه بعدما ياخد ضمانات كافيه ( حصانه ) ضد تهمة قتل المتظاهرين

[H_SRM]

والله انا ما عارف موقف الاخوان وحش اوي بس يمكن حسن نوايا ان السلطة تتسلم وخلاص بس انا رأيي ان اللي يحدد ده اهالي الشهداء واصحاب الدم يقبلوا بده او بالدية او مايقبلوش الا بالحقوق..

وانا عشان اوضح الرؤيا والصورة بتاعة دعم الاخوان لاني شفت المتحدث الاعلامي على برنامج تقريبا وائل الابراشي كان فيه بيتكلم عن النقطة دي تسليم السلطة لكن حصانة الاول للمجلس واصحاب الحقوق ممكن يقبلوا بالدية لان المجلس كدة هيخاف يسلم السلطة ده كان كلامه بشكل مختصر وواضح

لكن كمصري مايمهنيش يخافوا او لا المجلس اللي قتل الناس ومشى في جنازتهم وبيدافع عن مبارك لاقصى حد ممكن لو فيه صدام وشهداء جدد اشرف واهون من ان الناس تطاطي رأسها للقتلة

وربنا ينصر الحق وهيتحاسبوا باذن الله والشعب مابقاش بيخاف اطلاقا

[kefafy]

ربنا يارب ينتقم من مبارك واولادة وشركائه
ويارب يكون حكم رادع والله لو حكم رادع ليه وللعادلى صدقونى حال البلد هيتصلح
وكل البلطجيه الى بيشتغلو على حسهم هيتخرسوا خالص
وبالنسبه للاخوان يا حسام بيك دول ناس محترمين واتظلموا كتييييييييييير وبيخافو ربنا
والى بيخاف من ربنا عمرك فى حياتك متاخف منه ابداً
خاف من الى مبيخفش من ربنا ده الى تعمله الف حساب
وفى الوقت نفسه ربنا ينفخ فى صورة مجلس الشعب وينهى المرحله التالته على خير
بس الى انا مش عارفه رئيس مجلس الشعب ده هينتخب ولا هيتم تعينه من قبل المجلس العسكرى ولا ايه بظبط؟
وقلنا يا حسام بيك بلاش نعمم السيئة زى بقية الناس
المجلس اذا كان فى ناس خونه فمعظمه ناس محترمه وعملت كتيير خير للبلد زى الثوار بظبط مينفعش انى اعمم واقول انهم خونه علشان شويه بلطجيه فى وسطيهم ابقا عممت وقلت ان الناس الى فى التحرير خونه لأ طبعا
فيهم ناس متقلش وطنيه عن الى موجودين فى المجلس
وياريت يجماعه مش اى حد يبقا مختلف عن رايك نخونه او نعمم السيئة
مصر فيها وطنييين كتييييييييييييير فى التحرير وفى المجلس العسكرى و فى الشرطة
ووظيفتنا هى ان نحاول نظهر الباطل ومنعممش

[hogan]

لكى الله يامصر اللهم احمى مصر من كل خائن كاذب مفسد واجل عقابه عقاب المفسدين فى الارض
الجميع يقول
امييييييييييييييييييين

[kefafy]

المشاركة الأصلية كتبت بواسطة hogan

لكى الله يامصر اللهم احمى مصر من كل خائن كاذب مفسد واجل عقابه عقاب المفسدين فى الارض
الجميع يقول
امييييييييييييييييييين

امين يارب العالمين

[kiko_2015]

امين يا رب .....

[omarmagic]

امين يارب العالمين