ضربت تعلب وجرى !!

[قناص المنوفيه]

ازيكم يا رجاله

كان فى تعلب ورا البيت انهارده وكان واقف ومش واخد باله
ضربته فى دماغه (جبينه بالظبط) بالجامو سى اف 20 وهى حالتها قويه جدا جدا
بس للاسف كان برش مارسمان وسمعت صوت رنه جامده فى جمجمته
وجرى بين الزرع فى الاراضى الزراعيه وللاسف معرفتش مات ولا لا
فهل تعتقدوا ان الرشه اخترقت دماغه ولا هى اضعف من ان تخترق الجمجمه
وهل لو كان الرش بروماجنوم كانت هتفرق كتير ؟؟

معلش طولت عليكم لانى بصراحه حسيت ان مبقاش يرضينى بنادق الرش
ومحتاج لمورس ع الاقل

[M.Hatem]

ع حسب المسافه ونوع الرش بس هيا مش بتموت الكلب اصلا !

[mohamed_salim75]

الله ينور يا قناص البندقيه عندك قوتها مع الرش المارسمان بتخرم برميل صاج ولا لأ _المسافة كانت اد ايه _ وطبعآالرش البروماجنوم بيفرق لانه رش ذو جوده عاليه _واكيدالثعلب هيموت عاجلآ ام اجلأ _والدليل على قوة ارتطام الرشايه اللى انت سمعتها بتفرتك دماغه.....والديانا ال48 اللى معايا موت بيها نمس وتعلب نام مكانه من 30م تقريبآ ....

[Dodo dababa]

الموضوع مالوش علاقه أوي بالرش و لا البندقيه بصراحه حضرتك ضربت التعلب في أقوى حته في جسمه
عضم الجمجه في المنطقه الأعلى الأنف و أعلى الرأس بيكون الأكثر سمكا لكن في الجنبين و أسفل الأذنين بيكون الأضعف يعني نفس الضربه كانت أكيد قفلته في مكانه لو كانت من الجنب

و رأي أن حضرتك مع الحيوانات الأكبر من الغربان ديما نشن على الرئتين و القلب لأن المكان ده ضعيف و قاتل

[darkshaft]

هيه بتعتمد على:
١-ان تكون البندقية هاى باور.
٢-على استغدام بندقية نمره ٢.
٣-منطقه الضرب و فى الحيوانات الكبيره يفضل القلب او جوانب الجمجمه.
٤-نوع الرش و فى حاله الحيوانات الكبيره اكيد برو ماجنم حيبقى افضل.
تحياتى،و بالتوفيق المره القادمه ان شاء الله.

[salas0010]

المشاركة الأصلية كتبت بواسطة darkshaft

هيه بتعتمد على:
١-ان تكون البندقية هاى باور.
٢-على استغدام بندقية نمره ٢.
٣-منطقه الضرب و فى الحيوانات الكبيره يفضل القلب او جوانب الجمجمه.
٤-نوع الرش و فى حاله الحيوانات الكبيره اكيد برو ماجنم حيبقى افضل.
تحياتى،و بالتوفيق المره القادمه ان شاء الله.

اخى العزيز يعنى بندقيه نوريكا جيت نمره واحد بكل حال من الاحوال لا تقتل ثعلب ؟! اتمنى ان تجاوبنى على السوال المحير ده

[darkshaft]

المشاركة الأصلية كتبت بواسطة salas0010

اخى العزيز يعنى بندقيه نوريكا جيت نمره واحد بكل حال من الاحوال لا تقتل ثعلب ؟! اتمنى ان تجاوبنى على السوال المحير ده

حقول لحضرتك حاجه،كل مبيكبر عيار البندقيه كل مبيكبر حجم الحيوان الحتصطاده،فنمره واحد عموما معمول للطيور،اما نمره ٢ هاى بور معموله لكل الطيور و الحيوانات الصغيره،اما بخصوص نوريكا جيت نمره ١ فانا من عارف سرعتها كام الصراحه بس لو هيه هاى بور فلو جت الراشه فى القلب مباشره اكيد حتموت لو هاى بور بس لازم فالقب فقط.

[salas0010]

المشاركة الأصلية كتبت بواسطة darkshaft

حقول لحضرتك حاجه،كل مبيكبر عيار البندقيه كل مبيكبر حجم الحيوان الحتصطاده،فنمره واحد عموما معمول للطيور،اما نمره ٢ هاى بور معموله لكل الطيور و الحيوانات الصغيره،اما بخصوص نوريكا جيت نمره ١ فانا من عارف سرعتها كام الصراحه بس لو هيه هاى بور فلو جت الراشه فى القلب مباشره اكيد حتموت لو هاى بور بس لازم فالقب فقط.

سرعتها قد تصل الى 300 متر فى الثانيه والمتوسط 260
ودقيقه جدا انت ممكن تنشن فى عين التعلب

[eng.amg]

أعتقد لو بروماجنم كان خلص عليه
أنا ضارب كلب ببروماجنم في دماغه نزل مكانه
بس كان بالبام 22

[قناص المنوفيه]

شكرا على ردودكم جميعا وانا بعترف ان العيب كان فى الرش فعلا
لان المارسمان اخره الغربان بصراحه وكمان الضربه كانت فى اقوى
منطقه فى الجمجمه وده برضه غلط منى بس انا قلت اضربه بسرعه
واستغل انه مش واخد باله قبل ما يشفنى ويجرى ده غير ان ده عيب فيا عموما
انى بتسرع فى الضرب وبضرب فى ثانيه واحده كأن حد بيجرى ورايا هههههههههههههه
لكن انا ثقتى فى البندقيه السى اف 20 كبيره جدا والله لو حد ضرب بالبندقيه بتاعتى دى
ليقول انها فتاكه بجد وانتظروا منى تعلب قريب بس يظهر تانى
وعلى فكره يا عم عادل مكتوب على كرتونتها انها هاى باور ..

[maheradv]

اكيد مات ان شاء الله
بس عموما نصيحه الشباب الضرب يكون في القلب اسفل الرقبه او في الرئتين و حول الجمجمه
و بالتوفيق في قتل الكلاب السعرانه

[fishtic]

المكان اللي بضرب فيه وبيموت الحيوانات
نص القفا

[ahmed yasser]

ياباشا حرام عليك يعنى انتا لا منك موتو وارتاح ولا منك سبتو وبعدين حتى لو اصتدو هاتعمل بيه ايه ؟؟ انا مش شايفله لزمة خاااالص وياجماعة بلاش صيد الثعالب والحيوانات دى لانها قلت جداا اسف للاطالة

[besho]

المشاركة الأصلية كتبت بواسطة ahmed yasser

ياباشا حرام عليك يعنى انتا لا منك موتو وارتاح ولا منك سبتو وبعدين حتى لو اصتدو هاتعمل بيه ايه ؟؟ انا مش شايفله لزمة خاااالص وياجماعة بلاش صيد الثعالب والحيوانات دى لانها قلت جداا اسف للاطالة

هو بيقول انو كان ورا البيت يعنني سكن ممكن يفترس حد